الولاده الطبيعيه بعد قيصريتين

اسمعن ياحريم لاتصدقون كلام الحريم الثانيات اختى دارت كل مستشفيات الرياض الاول قيصري والخامس قيصري تبي السادس طبيعي ورفضوا الدكاتره قالوا خطير والرحم ينفجر من الولاده الطبعيه -اهم شي صحتكم وشوله تخاطرون باانفسكم وش الحكمه علموني كلهن تعب وانا مجربتهن كلهن توكلن على الله ماخاب من توكل عليه

انا اعرف وحده شخصيا ولدت طبيعي بعد ثلاث قيصريات متتابعه بس بغت تموت من الالم والمستشفى عارفين ان عندها ثلاث قيصريات بس وقعوها على اخلاء المسؤليه ان جاها شي وسهلها ربي
الولاده تساهيل لاطبيعي ولا قيصري انتي ادعي بالخيره والتساهيل واذا حددوا موعد العمليه روحي بس ادعي ان الله يكتب لك الطبيعي يمكن تتسهل لك انا كنت اصيح مابي عمليه وولدت عمليه وصديقتي تقول اصيح عليهم ولدوني عمليه تقول قعدت خمس ساعات اقول ابي عمليه وولدت طبيعي وكلنا مستشفيات حكوميه التسهيل من الله سبحانه وبس

الله يتمم عليك ويسهل ولادتك 💕

مدري ليش ماتبون القيصري
القيصري راحه اذا وضعك مو بخير
والطبيعي اذا ربي كتبه لك الحمدلله
ماكتبه عادي ولدي قيصري واختصري على نفسك
ترى كلهم تعب جرح وخياطه ويالله يطيب الجرح
اللي ربي كتبه لك ارضي فيه ولا تتلكعون مابي قيصري ابي طبيعي
وش تستفيدي اذا جنينك مات والحل كان بيدك
ولا انتي تضررتي

حبيبتي مو من باب مخاطره او ذكاء انا الدكتوره قالت لي ان فيه حالات ولدت بعد قيصريتين بس لازم شروط قبلها ان مافيه فتق وووضع الجنين وراس البيبي ومقاس الحوض يعني مو من كيفي بولد وخلاص او اني اشطر من الدكاتره انا بس اسال الدكاتره واسال البنات اشوف الحالات الي مرت ولعلمك لو ربي ماييسر حتى الولاده الطبيعي فيها مشاكل فيه حريم يجيهم نزيف ويكون سبب في وفاتهم بعد الطبيعي فالانسان يستخير ويطلب الله التيسير والتسهيل في الحالتين وتعرفي حتى لو ماولدت طبيعي من اسالتي هذي اخذت فكره بس واكثر شي عالاقل بفيد اللي عندها قيصريه وحده انصحها بدكتوره تدعم الولاده الطبيعيه اسمها فاطمه الشنقيطي مره كويسه عشان لاتطيح زينا بعد في موال القيصريات