امور حياتنا واقفه

اهلا بنات


قبل لا ابدا بالموضوع اشكر ربي واحمده على جميع نعمه علينا


الاحظ يابنات من سنين وامور اهلي واقفه نوعا ما
( دراسه وظيفه زواج)
اخواني منعفسين بدراستهم واغلبهم وقفو كذا سنه عن الدراسه ( ورجعو اللحين يكملون)
واللي متخرج فينا مو لاقي وظيفه
خواتي بيوصلون سن الثلاثين ولسا ماجى الانسان الكفوو لهم .. او تحصل ملكه وانفصال .. او خطبه ويروحون
انا حملي موقف من سنيين
ظروف اهلي الماديه متعسره واحنا ماكنا كذا اول


انا ما ابغى اتوهم بعين او سحر وغيره متوكله على الله سبحانه
بس ياليت تعطوني نصايح ممكن في اشياء غايبه عنا
خاصه خواتي .. ودي يتزوجون .. وربي ييسر لهم الازواج الصالحين .. خايفه عليهم يطولون مايتزوجون وخايفه عليهم ان يجييهم ناس مو كفو ( وهالشي حصل وتم الانفصال في الملكه )


كيف ازوجهم؟ خصوصا ان اغلب وقتهم في البيت ؟
لان اجتماعاتنا نادره جدا
تخيلو معي جالسات في البيت محد يعرفهن الا الاقارب مررره .. ولا وظايف .. يعني كيف ينعرفون علشان ينخطبون !
ابغى حل.. تشوفون فكرة الخطابه كويسه؟
نفسي ان خواتي ياخذونهم رجاجيل سنعين وفاهمين وواعين .. مو اي كلام .. ففكرت بالخطابه قلت ممكن الاقي وحده ثقه واقولها على شروطنا وهي تدور ! وش رايكم
لان اخر مره اختي بغت تروح فيها تملكت على واحد الله يهديه ويصلح احواله مضطرب ماندري هو مدمن او لا بس اللي اعرفه انه غير صالح للزواج نهائيا .. وانغشينا فيه يابنات حتى من اقرب الناس لنا كانو يمدحونه مدح مو صاحي يبغونها بس تتزوج !!!


الشي الثاني .. انا يابنات .. ربة بيت لي ١٢ سنه وعندي طفل واحد وعاطله عن العمل .. مع ان شهادتي كويسه .. بس ماتيسرت لي وظيفه الى الان
اقترحو علي شغله اسويها الما تتيسر لي وظيفه .. ابغى احس اني مٌنتجه .. الفراغ جدا شين .. وفوق كذا الناس اللي حولي يزودونها علي .. يتعجبون اني مالقيت وظيفه كأنها بيدي .. ونظرتهم للي جالسه في البيت انها انسانه فاضيه

16 تعليق 3,848 مشاهدة

شاركي في النقاش

سجلي الدخول لإضافة تعليق.

التعليقات

15
  1. @hnak_alroh

    كثير ناس زيكم اجل انا ايش اقول انسانه اجتماعيه و اروح المناسبات و الناس تشوفني وسبحان الله محد فكر يخطبني و مافيه اي شي جديد في حياتي لاوظيفه ولا مشاريع ولا زواج الحال من بعضه وانا اختك مالنا الا الصبر والدعاء والأستغفار يفتح المغاليق الله يكون بعوننا بس 💔
  2. @hkay_11

    يعني كل شيء قلتيه وله سبب ..
    أخواتك ماتزوجوا والسبب محد يعرفهم ؟ طيب اطلعوا دايماً روحوا تعالوا احضروا مناسبات جمعات و و الخ ..
    هذا هو الحل 🤷🏻‍♀️
    والشيء الثاني مسألة الحمل بإذن الله اول شيء ارقي نفسك وحصنيها والجأي لله الواحد الأحد واطلبيه بالدعاء وروحي لطبيبة خليها تشوف ايش عندك أو عند زوجك من مشكلة وإذا عرف السبب بإذن الله بطل العجب .. وانحلت مشكلة الحمل
    وبالنسبة للشغل ووقت فراغك ، انا أشوف الاعمال اليدوية المنزلية حلوة الحين وطايحين فيها البنات في الانستقرام ..
    تقدرين تفتحين حساب ممكن يكون طبخ من يدك وتبعينه أو شغلات تخيطينها أو رسومات ايش ماتحبي من هواية سويّها واكسبي منها .. مو عيب ولا حرام
    ولو مره ماقدرتي صايرة اشوف كثير امهات ع الانستا فتحوا حساب بمعلومات وصور فقط مثلاً عن تأخر الحمل أو عن الأمومة او الموضوع اللي حابته وقدرت من خلاله توصل الحساب لآلاف المتابعين وتكسب من وراهم دخل حلو من الاعلانات .. وهي جالسه لا شغلة ولا عملة بس احسن شيء إنها بتصير تحس نفسها مسؤولة ووقتها ماطار عبث 😉
    وبرضو حاولي تدورين ع وظايف الحين ماشاء الله العسكرية تنادي برتبة جندي ، وكمان فيه وظايف في بنده والمولات تفك أزمة
    وبس والله الله يسهل لك حياتك وحياة أهلك لابد من الصعوبات مو شرط إنها عين ممكن فعلاً ابتلاء وانتو محتاسين بسبب هالقدر ، بس بالدعاء كل شيء يهون ان شاء الله وكمان عليكم بالرقية الشرعية ..
  3. @moaadmaa_alfrh

    هناك الروح
    كثير ناس زيكم اجل انا ايش اقول انسانه اجتماعيه و اروح المناسبات و الناس تشوفني وسبحان الله محد فكر يخطبني و مافيه اي شي جديد في حياتي لاوظيفه ولا مشاريع ولا زواج الحال من بعضه وانا اختك مالنا الا الصبر والدعاء والأستغفار يفتح المغاليق الله…
    لقبك جميل عجبني
  4. what go's around comes around
    يمكن انتى عايشة لنفسك
    واهلك نفس الشي
    تبين بركة بحياتك
    تبين امورك تتغير
    انتى تغيري
    سوى خير يرجع لك خير
    اسعي لغيرك يسخر لك ربي الي يسعى لك
    اخواتك ما توظفو
    يمكن بداخلهم ما يبون
    مرتاحين كذا
    ما يبون يطلعون من
    comfort zone
    أو منطقة الراحة
    انتى فكري بنفسك تساعدي نفسك بعدين ساعديهم
    اشتغلي اي وظيفة
    أو سوى مشروع صغير
    أو مسوقة
    اذا شاف امورك زانت راح يتأثرون فيك ويتحركون

تابعي تجارب أخرى من هذا القسم.