تلبسين وردي بعد ياعجوز

مساء الخير ع الصبايا الحلوات


كيفكم ان شاء الله طيبين كلكم


صراحه فيه موضوع قاهرني وحابه نتناقش فيه سوا


ليش عندنا في مجتمعنا الانثى اذا وصلت سن الثلاثين خلاص يبدون يشوفونها عجوز !!! ايه نعم عجوووز وحرمه كبيره خلاص حتى كلمه بنت يستصعبونها خصوصا عاد اذا صارت متزوجه وام ياسلام هنا حتى اللي عمرها ٢٧ خلاص مادام صرتي ام ف انتي حرمه كبيره طيب توني فالعشرينات لا انتي مره لاتلبسين كذا ولاتسوين كذا احترمي انك ام !!!!
انا متزوجه من ثلاث سنوات وحرفيا ماحسيت بالاختلاف الا يوم وصل عمري ٢٩ قبل شهرين تقريبا ، اذكر موقف كنت رايحه اشتري ملابس وزوجي معي والقى بلوزه بطنها قصير شوي ولونها فوشيا وردي اخذتها بحاسب الا زوجي يقول لي خير هذي حقت بنات ! قلت طيب شايفني رجال قال لا اقصد ماتصلح للحريم خذي شي حريمي !!! هههههه


هذا غير حركات الدلع والغنج مع انها طبيعيه زي مثلا ابي اروح للسوق واتدلع عليه يقول لي مسويه يعنني بنوته !!!! ترا خلاص دخلتي الثلاثين
هذا غير جمعات العايله يووووه ليه حاطه مكياج كذا مايصلح احس حق بنوتات يووووه ليه قصيتي شعرك قصير احس مايناسبك انتي ام ، هالقصه حقت بنوتات ماتصلح للامهات
هذا غير انو مره تناقشت مع وحده في التويتر ويوم مااعجبها ردي راحت تسب وتقول اسكتي بس يالعجوز !!!!! الصدمه مو هنا الصدمه اني اكبر منها ب اربع سنوات بس عشانها توها في بدايه العشرين وانا في نهايته صرت في نظرها عجوز !!
ليش الذكر عندنا مهما يكبر يشوفونه صغير اثنين من اولاد عمي ماتزوجوا وهم في نص الثلاثين بس عادي المجتمع يشوفهم توهم صغار بس البنت من توصل ٢٨ خلاص هنا يبدون يشوفونها كبيره وماعاد تصلح للزواج !!!