مساء آلخير عليكم جميعاً ..
هذي آول مشاركه لي بالمنتدى وسعيده بالتواجد بينكم
أبي أتكلم معكم بخصوص الصديقات القدامى إلي لازال ياخذنا آلحنين لهم ، وبالمقابل لانلمس منهم إحساس آلصداقه
على سبيل آلمثال :
تخرجت قبل عدة سنوات وكان لي صديقات وكنت على تواصل معهم وكانوا على إتصال معي أيضاً
لكن بعد التخرج أصبحت أنا المبادره دائماً بالسؤال علماً إن رقمي عندهم كلهم ولاأبالغ إذا قلت خلال السنوات الي مضت كلها مااتصلت علي إلى وحده ومره وحده بس بعدها حظرت رقمي وعرفت من إنسانه ثانيه إنها تقول حظرته لإنها تتصل كثير وهي مشغوله وموفاضيه ، أنا مو نشبه لكن مجرد خوف لما اتصل كذا مره وماترد ماارتاح إلى لما أتطمن عليها
حاولت أتجاهل مثل هؤلاء .. لكن بالنهايه أجد نفسي أحن لهم وارجع اتصل او أرسل لهم من جديد .
شاركونا أرائكم و تجآربكم مع آلحنين ..
المايك لكم 💜💜💜🎤
شاركي في النقاش
سجلي الدخول لإضافة تعليق.
التعليقات
21- الأصدقاء 💎
تدرين في ناس عاشوا حياتهم كامله من غير ولاصديق
وفي لا حياته كلها أصدقاء ..
انتي صديقاتك صديقات المرحله والاحتياج ...زال السبب ..انقطعوا
بدلوك بأصدقاء مرحله جديده
لاتزعلين ابد ابد ذول نوع من الأصدقاء لازال في غيرهم نوعيات صداقه وأصدقاء افضل
تعجبني فكرة
صادف نفسك وصادقها ...ابعد عن صديق يهديك الألم
الصديق رزق من الأرزاق ..يمكن نصيبك من الصداقه للحين ماحان - موكل صديق ترتاحين له
وموكل واحد يستاهل إهتمامك
لازم الواحد يوزن مشاعره والا بيعذب نفسه بناس ماتستاهل - كان عندي 2 وراحت ارقهمن وماصار يجين
- ماعندي صديقات حتى ايام المدرسه ماعندي صديقات😔
- للأسف الكل يمر في هذي المرحله يكون صداقات وبعد التخرج يطيرون ولا عاد احد يدري عن الثاني
صارت معي ومع بنت عمي وبنت خالتي
طبعا انا لقيت الحل افضل صداقه وتكون دائمه هي صداقة الاقارب لانو دمكم واحد وتتقابلون كثير ولا فيها مصلحه
وتقدرين تزورينها وتزورك بكل اريحيه
مواضيع مشابهة
تابعي تجارب أخرى من هذا القسم.