شاركي في النقاش

سجلي الدخول لإضافة تعليق.

التعليقات

2,111

  1. دخلت على الدكتوره زوجي برى ينتظر نمت على السرير الدكتوره تحرك بهالجهاز
    قلبي يدق بسرعه دق دق دق واخيراً قالت لي الدكتوره
    بنــــــــــــــــــت
    طبعاً الدكتوره ما قالت لي على طول بنت
    لا قالت لي مش باين
    قلت ايه تبغين عشان اجي الشهر اللي بعده وادفع بعد هذا طبعكن
    قلت للدكتوره كيف مش باين انا بالثامن اذا ما علمتيني اعطيني فلوسي
    هنا الدكتوره خافت وقالت لي بنت
    قلت لها صوري لي العضو ابغى اشوف واخذ صوره معي صورت لي وعطتني صوره
    هنا ما اقدر اكتب لكم احساسي وشعوري مهما كتبت ما اقدر اوصل لكم الي حسيت به
    كنت ادعي طول شهور الحمل اللهم ارضني بما تقسمه لي مع الالحاح

  2. المحزن في الامر تدرون ايش
    هو زوجي
    لان الممرضه الغبيه طلعت من عندي وراحت له وهي تدري ان عندي ثلاث بنات
    راحت لزوجي وقالت راح يجيك بيبي نونه خلي بالك منه
    وهو ياحياتي طار من الفرحه على باله ولد
    لما طلعت له وهو بالانتظار كانت الابتسامه شاقه وجهه وقالي بشرتني الممرضه قبلك
    وصلت معكم لما علمت زوجي بالمستوصف انها بنت وهو كان يحسب انه ولد من كلام الممرضه
    المهم لما قلت له لا انت فهمت غلط بنت مو ولد تغير وجهه وسكت
    انا وانا في السياره احس انه فيه مويه حاره تنكب علي بالتدريج
    لما وصلت للبيت بنتي قالت لي ماما ايش بنسمي البنت انا غصب صرخت عليها وقلت لها اسكتي
    هنا تبسم زوجي وقال لهااتركي امك
    انا رحت جري على غرفتي وجاني زوجي وهو لسى مو مقتنع بكلامي يحسب اني بخبي عليه
    قال لي وريني الاشعه ابي اتاكد
    انا اعطيته الاشعه وانفجرت بالبكاء استغفر الله العظيم
    بعد ايام بدت الحاله معي مره ثانيه
    يمكن خطا يمكن الدكتوره ما تعرف يمكن يمكن
    دخل علينا شهر رمضان وقلت لازم اسوي اشعه ثلاثيه واتاكد
    وتكرر نفس السيناريو انا وزوجي وتاكدت انها بنت
    وبالبيت بديتاصيييييييييييييح
    وهنا قالي زوجي اذا انت ما تبغي هالبنت انا ابغاها
    انت مو اهم شي عندك انا انا راضي
    في نفس اليوم كلمت اختي وخبرتها واختي خبرت امي
    لما رحت لامي ثاني يوم كنت اشوف الحزن بعيونها باين ووجهها صاير مثل الليمونه
    لكنها ما تكلمت معي في هالموضوع
    ((انا الحين غصب عني بكيت تذكرت شكلها))
    ,,,,,,,,,,,, .........
    مر علي الشهر التاسع عن عشر شهور وكنت دايم ادعي اللهم ارضني بما تقسمه لي
    اللهم صب محبة هالبنت اللي في بطني بقلب زوجي وجميع هلي
    واعيد واكرر اني والحمد لله متجهه لله في امور عديده لكن ما احب اذكرها اخاف من الرياء وضياع الاجر
    والحمد لله جبت بنتي بسلامه من الله
    لكن للاسف مافي فرحه
    ماكأني تعبت بالحمل والولاده لكن عسى ربي ما يحرمني الاجر ويطرح البركه في هالبنات ويكبر حظهن بالدنيا
    والاخره ويسعدنا جميعاً
    بنتي الحين عمرها شهرين ونص
    اكيد انا وزوجي نغليها الضنا غالي
    والحمد لله على عطاه
    انا كتبت الموضوع وادري اني في نعمه وغيري محروم
    لكن الانسان يسعى وهذا حلال
    ادري ان بعضكن انصدمن من النهايه
    لان فيه كثير عندهن نيه التجربه
    وانا اقول لكل وحده تبغى الولد عادي اسعي وخوذي بالاسباب
    اعرف انه الحريم يجيبن اولاد وبنات بدون خرابيط على قولتكن
    بس هالخرابيط ما هي حرام بالعكس تعمق فينا الرضى بالمكتوب
    واحب اعطيكن خبر اني انا من كنت طفله احب البنات واكره الاولاد
    لكن ودي افرح زوجي ويجيه ولد ياخذه معاه بمشاويره بدل ما ينقل ببناتي معه احس البنت الافضل لها البيت او مشاوير مع امها
    ادري ان في حريم جابن6و8و 9 بنات وبعدها اولادبس حنا غير ما نقدر كل سنه نحمل ونولد مثل حريم اول
    الحمل صعب والتربيه اصعب
    بعد انا طبقت على زوجي امور كثيره كنت اقرها منها غسل ال...... بالماء قبل الجماع
    شرب القهوه
    اشياء كثيره بصراحه
    لكن يبقى السؤال
    هل اعيد التجربه؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

  3. @nbd_klby_hy_am

    rola_2008
    المحزن في الامر تدرون ايش هو زوجي لان الممرضه الغبيه طلعت من عندي وراحت له وهي تدري ان عندي ثلاث بنات راحت لزوجي وقالت راح يجيك بيبي نونه خلي بالك منه وهو ياحياتي طار من الفرحه على باله ولد لما طلعت له وهو بالانتظار كانت الابتسامه شاقه وجه…
    يالله نهايه غ متوقعه والله مستنيه كلمه انها جابت ولد الله يعطيها المرة الجايه ويعطينا يارب

  4. @maskh_kht

    السلام عليكم بنات موعد دورتي بكرا وبطني مرررره غااازات من كم يوم بشكل مبالغ فيه وفيني زي حموضة بالمعده احس واصل لحلقي ومنغثه
    افرازات مافي شي بس قبل كم يوم كانت تنزل مني افرازات بيضا مخاطيه وانقطعت
    تتوقعون حمل دعواتتتتكم مااشوف الدورة الا بعد تسع شهور بالنفاس
    من جاها مثلي وصارت حامل

  5. @asoar_alghram

    rola_2008
    المحزن في الامر تدرون ايش هو زوجي لان الممرضه الغبيه طلعت من عندي وراحت له وهي تدري ان عندي ثلاث بنات راحت لزوجي وقالت راح يجيك بيبي نونه خلي بالك منه وهو ياحياتي طار من الفرحه على باله ولد لما طلعت له وهو بالانتظار كانت الابتسامه شاقه وجه…
    هي بذلت الاسباب كلها لكن في شي غاب عن بالها هو الزوج ماحلل ابدا وهو المسوول عن النطف بالعكس بنت حلال وماقصرت مره مع نفسها بس زوجها ماسوى ولاواحد بالميه مجهود لاتحليل ولا حميه

    والمشكله منه

    اذكر هذي القصه وانا لسى ماحملت لي ثمان سنوات

تابعي تجارب أخرى من هذا القسم.