شاركي في النقاش

سجلي الدخول لإضافة تعليق.

التعليقات

2,111
  1. Leliana
    السلام عليكم و رحمة الله وبركاته. ... صديقاتي. انا اتبعت طريقة انجاب الولد و الحمد لله نجحت معاي دعواتكم ربي يتمملي على خير عندي ٣ بنات. و حامل في الشهر الخامس بولد باذن الله
    ماشاءالله تبارك الله الف مبرووووووك الولد 😍ربي يوصله بالسلامه ..


    مثلي بالضبط عندي ٣ بنوتات وحامل بالشهر الخامس وبإذن الله يكون ولد 💙يارب نشوفهم ع خير وصحه وسلامه
  2. @cup_cacke

    حدائق فيينا
    والله انا توكلت على ربي ثم عملت بالاسباب بس حاطه في بالي انها ٥٠٪؜ بنت او ولد والحمدلله لا تعبت نفسيتي ولا شي اللي تعبوا وضاقت صدورهم لان عندهم ضغط وما الومهم انا مثلهم بس الخيره فيما اختاره الله لازم نصير اقوى من المجتمع المتخلف سبحان ا…
    نسخت لكم موضوع اختي وحبيبتي هانيا مانسيتها والله دايم تجي ببالي 🤢💞تقريبا مثل تجربه الاخت الي امس .
    الله يرزقها بنوته جميله كجمال قلب امها 😍


    الصورة الرمزية هانيا3 هانيا3 - عضوة فعالة
    السلام عليكم ورحمه الله وبركاته
    هلا بنات منتداي الغالي وحشتوووووني والحمد لله رجعت لكم بعد غياب
    مادري اذا تذكروني او لا
    أنا لي سنين اتابع بالمنتدى لانه كان نفسي ومنى عيني ان ربي يرزقني ببنت واحده بس تملى علي حياتي وعمري كله وما عمري تمنيت من ربي ولا دعيت غير بهالبنت اللي انتظرها من سنييييييين طوييييييييله يارب لك الحمد والشكر
    المهم يابنات أنا هالمنتدى استفدت منه وساعدني كثيييير فحبيت اكتب لكم تجاربي في محاولة الحمل ببنت بعد مشيئة الله لعل منكم من تستفيد او تأخذ عبره منها وفي الاخر كلها أرزاق مكتوبة ومقسمة من عند الله
    اول حمل لي حصل بعد زواجي بشهرين وكنت عروس وتوي صغيره ولا ادري عن سوالف التبويض او غيرها وكانت المفاجاة أني حامل بتوأم ولله الحمد وكنت أتمنى ربي يرزقني الولد والبنت بس زوجي كان يتمنى ولدين وسبحان الله تحققت أمنيه زوجي وطلعوا ولدين ماشاء الله تبارك الرحمن وانا بعد فرحت وحمدت ربي عليهم وقلت ماعليه المره الجايه بنت باْذن الله
    المهم يابنات جلست فتره لأَنِّي تعبت بتربيه أولادي وبعدين قررت احمل أني اشتقت يكون عندي بنوته وحملت بفضل الله وكرمه وكمان ماكنت ادري عن سوالف التبويض وصار حملي باليوم ال 13 وكنت متأمله كثييييييييييييير بالبنت وأدور بالاسواق اتفرج على أغراض البنات وادعي ربي يرزقني بها وباول الرابع كشفت والدكتوره أكدت لي انه ولدددددددد وبفترة حملي ذَا تعرفت ع المنتدى ودخلت ملف ام غازي الله يذكرها بالخير للحمل بالبنت وتحسفت أني ما عرفته قبل لا احمل
    طبعا ماانكر أني زعلت وبكيييييييييت بس رجعت لصوابي واستغفرت ربي وحمدته على نعمه علي وفرحت وجهزت لولدي وانا راضيه وحامده ربي


    وبعد فتره رجعت واشتقت للبنت مررررره تانيه وقررت احمل بس كنت وقتها جمعت معلومات واتابع الملف وكان في ملفنا بذي الفترة كثيييييييير تجارب ناجحه لعضوات الملف وتشجعت وأول شهر وقفت قبل التبويض بيومين وما صار حمل وكان وقتها في عضوه اسمها رونق الجمال اغلب البنات تابعوا معاها وحملوا بالبنات ماشاء الله وراسلتها وعطيتها تواريخ دوراتي وحسبت لي وطبقت شويه نصائح من الملف غسلت بصابونه لوكس قبل الجماع ونمت على جمبي الأيسر وبحمد الله حملت ثاني شهر بعد المانع وطرت من السعادة وكنت واثقه انها بنت بعد مشيئة الله
    ووصلت لأول الرابع وسوييييت السونااااار وكانت المفاجاة ولدددددددد ولله الحمد
    طبعا انهرت وبكييييييييييت لين جفت دموعي وتعبت من البكي وبعد فتره رجعت استغفرت ربي وكمان جهزت لولدي بكل سعاده وشوق لرؤيته
    وبوقت حملي كنت اتابع الملف ووقتها قريت تجربه ام فهد الله يذكرها بالخير وأنها تابعت مع الدكتور عماد وماشاء الله حملت ببنت زي ماكانت تتمنى
    وقررت وقتها أني اتابع معه بعد ماارتاح شوي من الحمل والولادة مع أني كنت مقرره انه خلاص هذا اخر حمل ويكفي عشان اقدر أربيهم
    بعد ما كمل ولدي سنتين قررت احمل بعد متااااابعااااااات يوميه لملفي الغالي لإنجاب البنت وصار عندي معلومات كثيييييره بالموضوع ووقت التبويض المهم يابنات اني ما خليت شئ ما سويته ربي يسرلي كل الأسباب والحمد لله وجلست سنه احاول احمل وسويت كل اللي اقدر عليه
    تابعت التبويض واتبعت حميه خفيفه وكثرت منتجات ألبان وحلويات وأخذت كالسيوم وفيتامين سي وشربت مراميه وطبعا تابعت مع الدكتور عماد وأخذت التركيبة ووقفت جماع قبل التبويض بيومين وطبعا اللي بيني وبين ربي مانسيته أبدا وتعلقت به سبحانه وليس بالاسباب وحملت اخيراً وطرت من الفرح وكنت شبه متأكده انها بنت بأمر الله بس كنت بداخلي خااايفه من السونار وجلست طول حملي ادعي ربي يجعل مافي رحمي أنثى تامه الخلقه وطنشت السونار لين وصلت لآخر السادس ماقدرت اصبر خاصه ان كل من شافني قال شكلك حامل ببنوته حتى أحلامي كانت تدل ع البنت بقوه ورحت لموعدي وسويت السونار وكانت مفاجآه مدوية من العيار الثقييييييل ،،،،،،،،ولددددددددددددددد ولله الحمد والشكر
    وكان سونار رباعي ومافي مجال للشك سبحان الله وبكل موعد كانت الدكتوره تأكد انه ولد
    طبعا ماادري كيف اوصفلكم شعوووري بذا الوقت بس الحمد لله تماسكت وحمدت ربي وشكرته ع النعمة وتحملت شماته الشامتين لان الكل كان يدري اني باموت ع البنت وإني اتابع تبويض وهذه كانت اكبر غلطه ارتكبتها بحق نفسي ولمت نفسي عليها
    ترى يابنات الناس مايتشمتون بس في اللي عندها بنات لا والله هم يتشمتون بالشئ اللي مو عندك وانت تتمنينه بس ربي اللي يعلم اني تمنيت هالبنت لنفسي لأَنِّي أنا اللي ابيها ومحتاجتها مو عشان كلام الناس بس ربي ماكتبها لي والحمد لله راااااضيه برزقي
    والحين ولدي عمره اربع شهور هو كل حياتي ومالي علي البيت والكل يموت عليه الله يحفظه ويخليه لي هو واخوانه
    هذه هي قصه متابعاتي وتجاربي يمكن احد يستفيد منها
    وأبيكم تدعون لي انه ربي يرزقني متى مااراد بالبنت التامه اللي أتمناها من سنين وانه سبحانه مايحرمني منها مع اني مافي صحه للحمل والولادة بس ماانكر اني كل فتره أفكر بالبنت ولا قدرت أنساها رغم اني مشغوووووووله ع الأخير واولادي ماخذين كل وقتي والحمد لله
    طبعا أنا خلااااص ما صرت اقتنع بالاسباب للحمل ببنت او ولد ومو قصدي احبط احد والله بالعكس اشجع كل واحده تأخذ بالاسباب اللي تقدر عليها عشان ماترجع تتندم بس بدون إرهاق نفسي وعصبي وتؤمن ان الرزق بيد الله وتتعلق برب الأسباب مو بالاسباب اللي هو سبحانه سخرها لنا
    سامحوني طولت عليكم بس هذه سالفي باختصاااار
    اللهم لك الحمد حتى ترضى ولَك الحمد اذا رضيت ولَك الحمد بعد الرضا.
  3. Leliana
    السلام عليكن و رحمة الله وبركاته . انا اتبعت الحمية ببنتي الثالثة و مانجحت معاي. . لذلك عالحمل قررت اعتمد على شرب الماء الي نسبة قلويته ph7. و كنت اشرب منه بكثرة وحتى هوة الماء الرئيسي في بيتنا يعني حتى زوجي يشرب منه. و ثانيا. فيه نوع م…
    الماء القلوي عندنا هو (بيرين ph8) فعلا كنت اشربه بكثرة قبل حملي ماكنت مركزة على القلويه لكن المفروض اول ماتحمل الوحده تتركه لأنه يأثر على الكلى اذا استمريتي .. وهذا اللي عملته استمريت وسبب لي التهابات شديده ومضاعفات لأني ماكنت اعرف حتى حذرتني منه دكتورتي ..

    يعني الماء القلوي اشربوه فترة البرنامج فقط انتي وزوجك لعله يكون من ضمن الاسباب بإذن الله
  4. @cup_cacke

    ريوومته🍃
    هذا هو الحمدالله رب العالمين وبعدين أنا مثلكم أبغى ولد ولاليش داخله؟بس في نااس بس تذكر الأسباب وتتدبادلونها بس مأشوف دعاء تتبادلونه أو توصون بعض بحسن التوكل والثقه بعطايا الله وغيره قلت دام ماتكلمتو أنا بتكلم ونكثف الدعاء وحسن التوكل والاس…
    اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني وان ترزقني بحولك وقوتك الولد الصالح ياااارب
    اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك
    ‏اللهم بشرني بالخير كما بشرت يعقوب بيوسف وبشرني بالفرح كما بشرت زكريا بيحيى ياحي ياقيوم أسألك بحاجة داخل قلبي وأنت أدرى بها فحققها لي يارب


    هاذا دعاء كتبته لنا اختي حكايه احساس ومحتفظه فيه والكثير محتفظين فيه وندعي ليل ونهار بالمطر وبوقت الاذان وبالسجود وبالسفر وبالحرم ووقت الطلق ندعي😭مانسينا الدعاء ابداااا ومتوكلين على الحي القيوم وحده قادر على كل شي .


    وماقصرت اختي شوق قالت الي بقلبي كله
    الله يسعدها ويوفقها ويبارك لها بذريتهاويخليهم لها ويصلحهم ربي ❤️
  5. @cup_cacke

    ترانيم ياقلبي
    الله يفرجها عليك ويرزق ربي من واسع فضله وكرمه وربي يجيب يوسف بالسلامه يااارب
    الله يسخر لك زوجك 🤢وامه ماتقوله بنت الناس مسؤله منك اذا هو قادر ولازم يقدر ويأمن لك احتياجاتك لو يتسلف هو رجال لازم يدبر نفسه يارب يسخره لك.

تابعي تجارب أخرى من هذا القسم.