التجمع 104 للمقبلات على الحقن المجهري واطفال الانابيب 🥀

امال الله يقر عينك ويفرح قلبك
متى تحليلك ؟

آمين يارب
لسى اليوم الثامن من الترجيع .

بخصوص التنظيم اللي جربوا أفضل من تنظيمهم ما أدري صراحة لكن انا شخصياً جربت العمليات في سمير عباس وفي بنون بس الحبيب الريان مختتتتلف افخم وانظف وأرقى وخدماتهم خمس نجوم من حيث الغرف والتعقيم والنظافة والمباني وكذا وهذا من اهم الاسباب اللي شرحت صدري وخلاني ارجعله
علماً ان زحمته تكره الواحد في نفسه بس وش نسوي لايمكن تتحقق لنا جميع الجوانب لازم نسوي مقارنة ونختار الأصلح ونتجاوز العثرات
انا اجي من الشرقية وتخيلو اصادف ظروف اضطر اجلس من الصبح لليل في الرياض واحيان ما احصل حجز وااخذه انتظار واكل هوى وما ادخل بيتي الا طاااايحة وصاكني راسي بس وش اسوي هو الخيار الافضل مع مراعاة اني اهتم واحرص على امور كثيرة ممكن الدكتور ما ينتبه لها وللأمانة غير ان بندر ممتاز كطبيب انا رجعت عشان مختبراتهم من افضل المختبرات السعودية للأجنة
والتوفيق بيد الله وحده

هههههههههههههههه مت ضحك على شكلهم ساحبيني من رقبتي

هههههههه يا حبيلك يا الروح المجروحه وياخف دمك .. أنا عاد لو اقولكم تجربتي مع اشعة الصبغة من كثر ما اني خوافه طلبت بنج كامل وتنح الدكتور بندر سكت يمكن دقيقة يناظرني نظرات غريبة كأنه يقول وش تبي ذي بالضبط ؟؟ اصريت الا وابغى بنج وكتبلي اياه وقابلني حق التخدير واخذ معلوماتي قبل الأشعة بيومين ولما جاء وقت الاشعة نكبني حق التخدير ولا جاء وقالو لي بنسويها لك بدون بنج واكذب عليهم انا ووجهي قلت لهم الدكتور بندر هو اللي طالب لي بنج انا اشد اعصابي واخاف . الا وتجي وحده ملاك من السماء وتقنعني بان اسويها بدون بنج اشعة الصبغة ما تخوف اجل وش تقولين بالولادة ومن هالكلام .. ثم فجأة دخلو وخلوني لحالي منسدحه ينتظرون دكتورة الأشعة الا وتطقني ام النفاضه من الروعه وغبت عن الوعي دقيقة ما حسيت بشيء جاء ع بالي انهم بيخدروني بدون ما ادري واصرخ قبل ما يبدون فيني .. هبلت فيهم ذاك اليوم من جد عشت الدور بأني مبنجه احس ان ودهم يصفقوني