التجمع 104 للمقبلات على الحقن المجهري واطفال الانابيب 🥀

مساء الخير
الله يرزق الجميع عندي سوال لصاحبات الخبره والمعرفه البويضه في اليوم الثاني والثالث كم يكون عدد انقسامها عشان تعتبر درجه ممتازه ؟ يعنى هل عدد التقسمات هو الس يخليها درجه اولى او ثانيه ؟ او شي ثاني وفي اليوم الثالث المفروض توصل للعدد كم في الانقسامات وهل من الافضل يكون الترجيع في اليوم الثالث او الخامس انا سمعت ان الخامس افضل ونسبه نجاحه اعلى تتعدى ال ٦٠ ٪؜ اما الثالث يكون بين ٣٠ ٪؜ و٢٠ ٪؜ وانا بيرجعون لي بكرا ثالث يوم ! ودي اقولهم خلوها لليوم الخامس بس اخاف يا يطيعون مين رجعو لها بالثالث وحملت

يعلم الله ما ادعي لنفسي الا واذكركم معي وادعي لكم ولغيركم .
مشكلتنا وحده ونفضفض ونصبر ونقوي بعض ..يمكن بعضنا ما يدورا عنهم اهلهم وقرايبهم يبغون الموضوع سر وانا اولكم .
ولما امر بضيقه او فشل لاقدر الله ما اقدر اخبرهم وانا فعلا اكون محتاجه من يواسيني .
فمالي غيركم خوات سند ومعين
عسى ربي يجبر خواطرنا جميع بالحمل والذرية الصالحة

مساء النور حياك حبيبتي

شوفي في قاعده مهمة جداً
أن خطوات الحقن المجهري قسمين
قسم تقدرين تسيطرين عليه وتحسنينه مثل تضبيط الهرمونات والفيتامينات وكورس الزوج وتخفيف الوزن وشرب الماء و و و و هكذا
وقسم "مختبري" بحت خارج عن قدراتك وسيطرتك هذا لاتفكرين فيه اصلاً لانك وش بتستفيدين اللحين منه اصلا حتى لو عرفتي عدد الانقسامات بتروحين المختبر بعد التلقيح وبتزيدين انقساماتهم !! ان اشغلتي نفسك فيه ماينولك الا الهم والغم

الشي الثاني ان أجنة اليوم الخامس تعتبر افضل مو ان نسبتها اعلى لا غير صحيح كلهم نسبهم عاليه ومتفاوتة بس لان الخامس تكون الاجنة تطورت وتعدت مرحلة مهمة ومو انتي ابداااا اللي تحددين اليوم
المختبر هو اللي يحدد اليوم لانك اذا اخرتيها وهي اصلا مايناسبها تتأخر بتعرضينها انها تفسد ويقلل عدد الاجنة وتنزل درجتها وتلعبين فيها لعب
والرحم هو افضل بيئة للأجنة سواء يوم ثالث او خامس
والنسب مافيه نسبة ثابتة للان في اي شي يخص الحقن اصلا حتى درجة الاجنة لو انتي معنا في قروبات كثيرة وسابقة كان تنصدمين من كثرة اللي اجنتهم درجة ثانية وثالثة وحملو واللي اجنتهم درجة اولى فشلو تخيلي !!

انا قالي الاستشاري مره بنفسه " قال شفتي امور الحقن الكاملة اللي نسويها بكل خطواتها تظل إعجاز رباني ماعندنا له اي تفسير او ثوابت سبحان الله وحده "

الله يجزاك كل خير ويرزقك بالبنين والبنات ويرزقنى ويرزقك الجميع هو فعلا صح مابيدي الا الدعاء بس انا هاذي العمليه رقم ٨ او ٩ ضيعت من كثرها وانا فتره الترجيع اكووووون ما اتحرك واتعب نفسيا من الحبسه وقله الحركه وبالاخير الحمد لله على كل حال لمى احلل وما يطلع فيه حمل اقول ليتنى تحركت ليتنى قمت وشوله معذبه روحي بهل انسداحه تقل مطهره والعياذ بالله فانا نفسيا ابي اعرف لمجرد العلم بالشئ ولا ادري ما بيدنا الا الدعاء وليتنى معكم بقروباتكم واسمع المعجزات عشان اتشجع انا بعد

فيه دكاترة يفضلون يرجعونها باليوم الثالث عشان تكمل انقساماتها بشكل طبيعي داخل الرحم والبعض يشوف ان الافضل انها تكمل انقسامات ثم يرجعونها وكل هذا على حسب حالة الأجنة هي اللي تحكم .. قالت لي هالكلام وحده كانت جنبي في الانتظار عند الدكتور بندر