التجمع 104 للمقبلات على الحقن المجهري واطفال الانابيب 🥀

والله ما اقوله بس كلام لكن تجمعات الحقن فيها من القصص والمواقف العجيبة شي ماتتخيلينه لاتقولين كم جنين عندي كم درجته اي يوم رجعوه ماراح اتحرك و و و هو قدر ورزق الله يقسمه ويجي
معنا في هالقسم مشررفة معروفة تخيلي قبل الترجيع كلموها قالوا ماتلقح الا جنين واحد فقط ودرجة ثانية !! لو وحده مننا وقالولها كذا بعد هالمنشطات وهالتعب يقولون مافيه اجنه فقط واحد ودرجته بعد ثانية ؟؟ بأمانة مو كان طنطنا الدنيا تشكي وزعل ودموع !
وتفاءلت وحمدت الله ورجعته والان ولدها عمره تقريبا سنتين ماشاءالله تبارك الله ولاحول ولاقوة الا بالله الله يحفظه لها
لأن الله كتبله يثبت ويكتمل سبحانه


الرضا هذا كنز اللي يفقده يفقد كل نعيم الدنيا والاخرة
الرضا انك متفائلة ومقتنعة بيقين ان الفرج قريب لامحالة مهما اتعبتنا ظروفنا بصيرتنا الناقصة تشوفه تعب وفشل لكن الله اعلم في علم الغيب وش اللي مخبي وبنفرح فيه يا في الدنيا يا في الآخرة وهذا مايمنع نسعى ونساعد بعض ونتبادل معلومات صحيييحة وإيجابية وتناصح وحتى فضفضة لأننا بشر الا مانضعف والارمانحزن بس لازم ننبه بعض
الله يفرح قلبي فيك وتجينا تبشرينا ان شاءالله يارب

يسعد قلبك ويفرحك بما تشتهين بالدينا والاخرة
فعلا محتاجين مثل هالكلام يارب اجعلنا من الراضين المرضين 😢😭

ياقلبي الله يسعدك ويعطيك لين يرضيك يارب 💞

ترا انا ماتلقح الا واحد الحمد الله على كل حال عشان كذا بطمن عليه الله يثبته يارب

بنات مريت خمس صيدليات كلهم نفس الكلام نقص فيتامين ب12 يمنع امتصاص الكالسبوم والفوليك وبعض الأدوية يعني تخيلو نقصه يخليك ما تستفيدين من بعض الأدوية خاصة الفوليك والكالسيوم ويدعم عدم الامتصاص نفص فيتامين دال .. اخر صيدلي لما قلت له ان عمليتي خلال اسبوعين ثلاثة قال لي اجل ما يمدي الحبوب تاخذ مفعولها خلي دكتورك يكتب لك ابر فيتامين ب 12 اسرع في رفعه لأن عندي نقص كبير فيه .المشكلة اخاف اخذ هالأبر وتأثر على شيء ثاني مثل الهرمونات او سماكة الرحم .. نصيحة لكل مقبله حللووووو هالفيتامين مع دال لأن ماراح تستفيدين من الحبوب اللي تاخذينها ومنها الفوليك اللي هو اهم شيء لحدوث الحمل . حطوها من ضمن الاحتمالات اللي سببت فشل الأنابيب

وش أعراض نقص فيتامين ب١٢
شكله مره منتشر