التجمع الثالث لأمهات سبتمبر💝&💘أكتوبر2018

ماشاء الله ع قروبكم وتعاونكم
انا دخلت عرض اعذروني بس أخبر آخر قروب دخلت فيه كان المتفائلات بالحمل
اقدر أسأل هنا أو اكون معكم.. انا الحمدلله بالشهر الثالث آخر دوره 15 ربيع اول
بنات هل تروحون للدكتوره مره بالشهر ولا كل اسبوعين؟
انا موعدي الجاي بعد خمس أسابيع!
وزوجي طبعا عاجبه أن الموعد يكون مره بالشهر يقول ماله داعي كل شوي مستشفيات مع ان حصل لي إجهاضين قبل
وحتى ماسوت لي تحاليل الإجهاض إلا قبل الحمل كانت سليمه.. ويوم قلت تحاليل إجهاض زوجي عصب وهي قالت مو لازم.. واختي تقول ترا في جرثومة تنشط بالحمل حتى لو سليمه؟
وبرضو للان مااحس بحركه بيبي أو شي
اعذروني عالتطفل 😁
ودعواتكم يتم ع خير والله بدت اشاعات الناس أن فلانه حامل حسبي الله ذا وانا بيتوتيه ومافي مناسبات علشان يفقدووني.. وطلعت طلعه قبل فتره مو باين اصلا اني حامل طبيعي ماتطلع البطن بدري بس انه نحفانه لكن ماتغير فيني شي واتحرك واباشر عالضيوف مع اختي.. كلها يومين قالو فلانه حامل بغيت أنجلط
ثقتي بالله كبيره لكن وحده متأخره عشر سنوات يتركونها فحالها.. السنه لي فاتت فاضيه وساكتين وسنوات كثير تمر بدون حمل وساكتين
بحد هالشي يسبب لي تحسس واخاف ع الحمل خاصه اننا ناس ماندري عن حمل القرايب إلا يوم تطلع كرشتها أو حتى تولد ولاهمنا لأن لاحنا إلى بنشيل عيالهم ولا نتدخل

حور
الحمدلله وعقبال لما تبشرينا بإن التحليل ايجابي وزادت النسبه

الله يكون بعونك يمكن القولون معك متهيج تراه يتعب مره والانتفاخ اذا بالجنب اليمين اسفل الحوض من القولون وبالنسبه للغثيان ان شاء الله اول الشهر الرابع بيخف كثير الله يشفيك وحاولي ما توتري حالك واتركي الاكل الدسم والشطه

اهلين حبيبتي الله يتمللك ع خير انتي استودعيه الله وربي الحافظ ان شاء الله
انا زيك ١٠ سنوات ماحملت والسنه اللي فاتت اجهضت مرتين وهالمره لما حملت يويت تحاليل وطلعت جرثومة القطط نشيطه بنسبه بسيطه وعطتني علاج انشاء الله ينفع الله فيه
وعطتني ابر الكلكيزان واسبرين انتي اذا عندك اجهاضات اتوقع لابد من ابر السيوله الله يتمم حملك ع خير وحملنا جميعا ونشوفهم سليمين معافين يارب

orkeeda22
شوفي اول شي استودعي الله نفسك وجنينك وتوكلي الله فالله هو خير حافظ ثانيا بالنسبه للمتابعه حلو تتابعي كل شهر دام امورك زينه ومافيك شي لا سمح الله ثالثا بالنسبه لحركة البيبي لسى بدري بالنسبه لي الاولاد يتحركوا بالرابع والبنات بداية الثالث الله يطمن قلبك ويحفظ لك جنينك ويقر عينك بشوفته وانتي وهو بصحه وخير