شاركي في النقاش

سجلي الدخول لإضافة تعليق.

التعليقات

76
  1. @ryah_tgry

    وعليكم السلام التاج الذهبي كيف حالك....
    راي في نقاط::
    _ من ناحية أختك تكلم واحد ((علمي أمك فقططط)) وذلك لأن الأم أحن منك واكثر حرص منك على بنتها ،علميها بجميع التفاصيل وانك مو متأكده منها ليش رفضت هل هي مستمره معه او لا خلك دقيقه جدا في معلوماتك وحرصي على امك انها ماتعلم اختك انك انتي اللي علمتيها عنها ((خلي أمك تقول لأختك في ناس يشوهون سمعتك يقولون انك تكلمين رجال والرجال اللي تكلميه يقول انك قليلة ادب ومثل ماخانت اهلها بتخوني لتزوجتها يخسي الا اهي اتزوجها انا جالسه اتسلى معها وو ووووو الخ)) كأنه الكلام وصل لأمك عن طريق الرجال مو عن طريقك لكي تكون اختك اكثر حذر منه..وامك هي اللي راح تتصرف بعدين هل تعلم ابوك واخوك هي أدرى منك بامور الحياه ...
    -من ناحية الخطيب أخو زوجك ((تخيليه اخوك)) هل ترضين اخوك المصلي الحافظ القران اللي يخاف الله يتزوج وحده قليلة أدب تكلم رجال وقلبها متعلقه فيه؟؟؟!! هل ترضين؟؟؟ لو سمحتي ردي على سؤالي ... ومن ثم لتزوجها اخوك ماراح يستمتع بحياته الزوجيه والسبب زوجته اللي قلبها متعلق برجال ثاني ماراح يعيش باستقرار ولو كشفها شاف بلاويها ماراح تنقهرون بتقولون للزوجه ماتستاهلين اخوي وتجلسون تتحسبون على البنت واهلها اللي ماربوها وغشوكم فيها ... لو سمحتي لو سمحتي لوسمحتي((لاتصيرين انانيه في تفكيرك بأختك وتبين مصلحتها ولا همك الخاطب وش نفسيته بعدين تدبسينه بوحده مخدوعه ...عطي مساحه لعقلك في التفكير بالخاطب ...حب لأخيك ماتحب لنفسك ))
    _ ومن ناحية أنكم تغصبونها ذا شي راجع لأمك وابوك هم ادرى بمصلحة بنتهم يقول المثل تدخل بجنازه ولاتتدخل بجوازه ..خبري امك بسوالف اختك وشيلي يدك من الموضوع خلاص عشان لصار شي مستقبلا بتقول اختك انتي السبب في اللي انا فيه لو فرضا طلقها اذا صادها تكلم واحد بينقهر على حاله الزوج انه تزوج قليلة ادب ؟؟؟


    واتمنى اني افدتك وارجوا منك لاتزعلين مني لوقسيت في بعض الكلمات ...لانك طلبتي مشوره ولابد المشوره تكون واضحه وصريحه مافيها مجاملات
    الله يوفقكم ....اختك رياح تجري
  2. @talbh_mghrzh

    حرام عليك تعرفين اخلاقها وتبلشين الرجال الملتزم الطيب ابو الاخلاق فيها اتركيها لكلبها حرام تاخذ رجال ملتزم كذا وتعذبه معها اتقي الله
  3. @htan_alaatyby

    التاج الذهبي .
    الحين انا صرت ظالمه يوم جيت اخذ الراي يعني ماعجبك موضوعي قلتي كذابه انا قريت لها رسائل يكش الجلد منها وشفت بعيني وسمعتها من سمعتي كيف اشوه سمعتها هي وياه وانا خايفه عليها
    لو علمتي ابوك واخوك بتخسري اختك للابد وتنجرح جرح ما تنساه وبتكسرينها قدام ابوك واخوك وكل غرضك تتزوج اخو زوجك اهي حره ما تبيه خلاص سكري على الموضوع يلعب عليها ويوعدها انتي انصحيها واحتويها كوني لها صديقه
    واهي بتكتشف مع الوقت اذا صادق او كاذب
    بس انك تفضحيها تكوني دمرتي حيتها وتحترامها لنفسها الرجال بدله الف بس الاخت ما تنتعوض
  4. مرحبا بقول لك رأيي رغم اني ما قريت كل الردود
    وفعلا مصيبتك مصيبة لكن ان شاء الله ان حلها سهل
    قولي لها بصريح العبارة اني عارفة انك مازلت على اتصال بهالرجال وأنت حرة لكن أنا ماراح اسكت الا اذا جاء يتقدم رسمي خلال هالاسبوع
    احشريها وقولي لها عارف انه جايك خاطب اذا يبي يتحرك والا يحل عن حياتك
    ونفذي كلامك طبعا أنا مع انك تطلعين أمك وهي تتولى الموضوع
    وبالنسبة لاخو زوجك احذري ابعديهم تماماً قولي اختي تفشل والله ومتقلبة ولا تصلح لأخوك ومن هالكلام لا تدخلينها بحمولتك وبحياتك ابعديها تماما بتخرب خياتك لانها بتحس انك سبب تعاستها ولا يمكن تكمل معاه بتحس دائماً انها انجبرت تاخذه خوفا من اهلها باختصار بتفشلك وانت علاقتك فيهم حلوة ولا فيه أي مكسب وقلي هالكلام لها قولي للاسف انك ما تستحقين هالشاب
    ولاتتضايقين يمكنها صغيرة والشيطان بعد شاطر ما يخلي صغير ولا كبير الله يستر علينا جميعاً
    الله يهديها ويصلحها ويكفيه شر الشيطان وأعوانه الدعاء والله مثل السحر هدي واستعيذي بالله من الشيطان الرجيم ما لها نصيب بهالرجل والله ان شاء الله يرزقها الصالح اللي تموت فيه ويعينها على دينها ودنياها
  5. نصيحة لا تدخلي الرجال في الوضوع الا اذا أمك شافت انه ضروري ويكون الأب يمكن أفضل واذا كان خلاص ما فيه أمل أبداً
    ان شاء الله بترجع لعقلها وتبين قدامها الصورة وتكون حياتها صعبة وهي حاسة ان الكل ماسك عليها هالغلطة لا تكشفين سترها بالعكس حاولي تتجنبين افتضاح امرها عشان يكون سهل عليها ترجع وتحاول لكن اذا شافت ان الكل مطلع عليها ما عاد يوقفها ولا يردعها شيء
    الله يردها رداً جميلاً

تابعي تجارب أخرى من هذا القسم.