اذا جاء خاطب بذي المواصفات تقبلون

السلام عليكم
بنات لو جاء خطيب اخلاق ودين ولاكن غير موظف عاطل هل تقبلونه
جاء ﻹختي بذي المواصفات واهلي مترددين
وهل الوظيفة لابد منها

70 تعليق 13,778 مشاهدة

شاركي في النقاش

سجلي الدخول لإضافة تعليق.

التعليقات

56
  1. @hrooofh

    لا مو لازم يطلعون ياكلون مع القطاوه عند السيارات
    😆😆😆😆😆 الله يهديك ياقلبي
  2. @bnt_alsltan_77

    اه مرينا بذا التجربه اخوي 3 مرات خطبناله ومايتوفق
    كله عشان ماعنده وظيفه الخطبه الرابعة وافقت وتزوج
    وكان اخوي له خوي من هوات صيد الصقور ويروح معاه لحد ماتعلم منه وصادله صقر باعه بالإمارات 1431 بمليون و700 الف ونفتحت عليه وفك محلات ذهب
    وشغل فلوسه بمشاريع وطلعتله رزق اضعاف اضعاف
    وكل سنه صار يروح وعنده هوايه الصيد ويجيه رزق الحين ساكن بفلا وعنده خير كثير
    وفاتح لزوجته سوبر ماركت وتدخل عليها ذهب
    ومدلع زوجته اخر دلع لانها اخذته وهو منتف مكان معه شي
    والرازق هو الله سبحانه
  3. لا ماراح اقبل
    مين بيصرف عليه وعلى زوجته؟؟؟
    اذا اهله تراهم مو دايميين له ومصيرهم يملو وحتى لو كانو كريمين هل الزوجه بتاخذ راحتها بالطلبات
    اكل وشرب وتأثيث وتماشي ولبس وماكياج وسفر كلها اهله بيتكفلو فيها؟؟
    دين واخلاق مااختلفنا لكن دينه واخلاقه ماراح تأكله عيش هالايام يتوظف وبعدها يخطب ليه مستعجل؟
  4. @lhth_lltthkr

    انا زوجي اخذته مو متوظف وكان عندي امل يتوظف والحين له عشر سنوات بدون وظيف
    والحين انا
    مقدر اشتري شي
    لو اشوف بنفسي شي ويعجبني مقدر اشتريه
    الملابس با الحسره
    كل شي با الحسره
    حتى طلعات البر الي قريبه ما نقدر نطلع لانها تكلف
    المطاعم زمان ودعتهن
    اغراض المطبخ ماعندي الا شوي
    اغراضي كلها قديمه
    دلع مافيه
    انهكتني الحياه زوجي صار عصبي والعيشه معه لا تطاق لانه يحس با النقص بدون وظيفه
    والحين حامل وشايله هم الحفايظ والحليب والله انام وصحي وانا اهوجس
    متخيله اذا صار عرس ولا حفله اختي تشتريلي فستان وطول الطريق تقول اوف والله علي قرض احس اتفشل منها با المره
    واذا ولدي احتاج شي للمدرسه والله اهوجس طول الليل وانا افكركيف ادبرها له والحين انقطعت شنطته وشايله هم وشلون اجيبله
    وبكيت و زعلت وتحملت ما احسب الحياه كذا بس والله الحياه با الزمن هذا بدون فلوس اصعب من الصعبه
    والضمان ما يقبلنا قالو هات شهاده انك عاجز عن العمل
    تخيلي امي لو تعطيني 100اظل ماسكتها ثلاث شهور اخاف احتاجها لولدي ما اصرفها ع نفسي
    وكل اغراضي الي عندي ماهن ع ذوقي يا احد راحمني وجايبهن ولا احد حاس اني ابغى هذا الشي حتى المول اذا طلعت مع اخواتي ما اشتري شي بس اتفرج او اساعد اختي باختيار ملابسهم واذا قالو اشتري اقول ما اعجبني شي
    بس اذا كانت اختك موظفه او عندها دخل هنا الحياه تختلف
    لكن الوظيفه عز
    فجئه اذا اخذتي مو متوظف يتحولن كل اشيائك الصدقه ولبس اطفالك لبس عيال جماعتك الي صغرت عليهم
    الله يرزق خطيب اختك وزوجي الوظيفه عاجل غيور اجل ويرزقني معهم الوظيفه دعواتكم يا بنات

تابعي تجارب أخرى من هذا القسم.