يا اجتماعيات، شوروا علي في سالفة أخوي

بسم الله الرحمن الرحيم

يابنات في مشكله صارت لخوي واحنا محتارين كيف نحلها
بس ان شاء الله ماتكون مشكله كبيره

السالفه ومافيها ان أخوي يبغي بإذن الله انه يخطب وحده من الاهل استخار عليها ومرتاح وايد من ناحيتها، بس المشكله ان هذي البنت كان خاطبها قبل وقت قريب جدا واحد من القرابه ورفضته الله يعلم شو السبب، وهذا الواحد كان عازف عن الزواج فتره وأهله ماصدقوا يخطبون له، والحين المشكله في حريم أخواني، مطلعين اشاعه انها رفضته علشان أخوي وانها محطيه أخوي سبير (كيف تركب ماأعرف) وفي نفس الوقت لأن اللي خطب يستوي ولد عمهم وهم زعلانين ليش انه انرفض
وسبب الاشاعه انهم مايبون أخوي ياخذها علشان ياخذ وحده ثانيه هم مقترحينها ومسوين اشاعه قويه انه خطبها وخلص الموضوع، اضافة الى سالفة ولد عمهم (وكالة اشاعات ماشاء الله عليهم)، مب كأنه حنا خواته وأخوي الزم علينا منهم، المهم...
ان احنا نبا نتريا لين تهدأ الاوضاع وبعدين نخطبها، بس خايفين البنت تنخطب لحد ثاني ( ماشاء الله عليها) وخايفين بعد ان اخوي يظل باله مشغول وهو عنده امتحانات وما نبا السالفه تأثر عليه.

وفي نفس الوقت نبا نخطبها في العيد لكن خايفين من الاشاعات تسويلنا مشاكل، وندخل في خصام احنا في غنى عنه..
انا طلبت من اخوي يستخير في انه يخطبها في العيد ان شاء الله، وقلت استشير بنات حواء يمكن يفيدوني براي نخطب ولا نصبر

اعرف القصه مشربكه بس ان شاء الله تكونوا فهمتوا المطلوب
الله يجزاكم خير

19 تعليق 1,771 مشاهدة

شاركي في النقاش

سجلي الدخول لإضافة تعليق.

التعليقات

17
  1. @am_alkhmayl

    ان كاني فهمت فأنتم خايفين لا الإشاعات تتركب في اذهان الناس !!
    طيب وبعدين!!!
    خليها تتركب والحمدلله انه طلبها بالحلال!!
    اصلا هم ما طلعوا هالإشاعة الا عشان يخربون عليكم الموضوع فأنتم كملوا ولا عليكم من أحد....
    وإذا جاء طاري منهم هم نفسهم اللي مطلعين الكلام قولوا لهم : كل هذا قهر عشاننا ما خطبنا اللي تبون!!!
  2. @am_maadd

    ام الخمائل
    ان كاني فهمت فأنتم خايفين لا الإشاعات تتركب في اذهان الناس !! طيب وبعدين!!! خليها تتركب والحمدلله انه طلبها بالحلال!! اصلا هم ما طلعوا هالإشاعة الا عشان يخربون عليكم الموضوع فأنتم كملوا ولا عليكم من أحد.... وإذا جاء طاري منهم هم نفسهم اللي…
    السلام عليكم

    اختي توكلو على الله واخطبوها

    وما بيصير الا الخير ان شاء الله

    وبالبركه مقدما
  3. هلا فيك يالغلا...

    خليه يتوكل على الله ويرتبط فيها طالما استخار ومرتاح لها... وسالفة الاشاعات لاتلقون لها بال..

    اهم شيئ انكم واثقين ماسويتو شيئ خطأ ويبيها بالحلال...

    ويكفي ان الله تعالى عالم بالنيه وعالم انكم صادقين ..

    الله يوفقه امين ويسعده..
  4. @amptlfon_khrban_amp

    يعني بتخلوون الحساد يفرحون ويلاقون نتيجه سواء على اخوك او على البنت !!!!!!!!!!


    اخطبوها ومادام مستخييييييير الله بييسر الموضوع



    والاشاعاات طالعه من الان فعادي يوم من الايام بتضيع ويطويها النسيان ويصيرون الناس اصلا يطالعون اللي مكلعين هالاشاعات الحقران والسفهان

تابعي تجارب أخرى من هذا القسم.