التجمع 16 لـِ " أمهآت مآيو وَ يونيو 2018

من ولدت!!🤣قصدي من حملت


مرا شطحت

الله يتمم لك على خيير

عادي لا تقلقون
كل الاعراض هذه تصيب الحوامل
خاصة الم الحوض مع الوركييين ☹️

في بكري
ولدت في بدايه اخر الاسبوع الثاني من التاسع
والسبب
اني طلعت مع جارتي للمزرعه وتغدينا وقالت يالله نمشي حتى تنزل كرشتك
المهم كان فيه طعوس صغيره
وقالت يالله نطلع عليها ونطلع وونزل
ونطلع وننزل
المهم رجعنا علًى المغرب للبيت
ونمت بعد العشاء على الساعه ٢ الفجر
حسيت بشي سايل ينزل مني رحت
للحمام واشوف الله يكرمكم الملابس الداخليه مبللهً🤔😤
شكيت في وضعي قلت معقوله عملتها على نفسي وانا نايمه😂😂
المهم غسلت ورجعت نمت وبعدها بساعه نفس الشي رجعت تنزل مني
المهم واروح للحمام اركض وبمجرد م وصلت للحمام
انفكت مويه فضيعه خفت وجلست ابكي وجاء زوجي ودخل معي وتسبحت والمويه كل شوي تنزل انا افكر اني بولد في لحظتها ولا فيه اي الم افكر الولاده سهله المهم زوجي راح على الفجر وكلم جارنا وقال خل المدام تجي وجتني قد لبست وعلمتها قالت خلاص عندك ولاده وصلحت لي قرفه واعشاب الله يسعدها ويصلح لها نيتها وذريتها
ورحت للمستشفى وكان مفتوح ٢سم
من الساعه ٧ الصباح لحتى ٩ العشاء
ولا فيه الم
بعدها اعطوني تحاميل وجلست يوم بدون الم والرحم ٢سم
المهم تعبت ومليت من الكشف والتنويم والتخطيط😭😭
وكنت صغيره م اعرف شي واجهل امور كثيره ومافيه نت نتعلم منه وكنت ادرس واختبارات
ومع اني احب القراء وعندي مكتبه واشتريت كتب عن الولاده والتربيه ابي اتثقف لكن مع الولاده نسيت كل وفيه موقف م انساه 🙈🙈🙊
الدكتوره نست عندي سماعات النبض
المهم من الفضاوه اخذت السماعه وجلست اتسمع في نبض بنتي 😅😅 الدكتوره تقول النبض ضعف
تخيلوا وانا اتسمع دخلوا علي ممرضات متدربات سعوديات
وضحكوا علي 😭
يقول ي حلوووه
ماراح تسمعين منه لانه خربان
ولازم نحطلك تخطيط
وهم صادقييين م سمعت شي
راحوا مني
والله يكرمكم كنت مره ابي الحمام
ولاعندي ولاده
قلت للممرضه ابي اروح للحمام

قالت لا م فيه
يمكن ولاده ولا فيه طلق اصلا
قلت ابي حمام
تخيلوا راحت جابت لي قصريه بلاستكيه لاول مره في حياتي اشوفها ولا اعرف وش تستخدم فيه وهي م تعرف عربي وكان الوقت ١٢ ليلا وزوجي راح من عندي وبيرجع بيجيب لي اكل
وانا م اعرف E
المهم قالت اجلسي عليها انا افكرها اشعه تصويريه😂
لانها قومتني فوق السرير وجلستني عليها
وراحت فتحت صنبور الماء المغسله قدامي وتفتح الصنبور وتقفله هي قصدها تقول صلحي مثله يعني اقضي حاجتك طلعي البول ☹️😅
وقفلت الستاره
تبيني اخذ راحتي انا م فهمتها
افكرها تقول ناظري للصنبور واجلسي على القصريه حتى نشوف وضع البيبي المهم اركز عيوني بالماء
والممرضه تقول قلاص قلت خلاص واخذت القصريه وقالت وين بول ☹️
شوي ودخل زوجي وزوجي عنده لغه £ يتكلم بطلاقه £ اجباري بعمله
المهم مات ضحك وانا وربي بكيت طول اليوم يضحكون علي
قال هي تقول ممنوع دخولك الحمام
استخدمي هذه
وهذه سالفة بنتي الاولى وجبتها بطلق صناعي بالوريد
وبنتي الثانيه جبتها بالاسبوع الثالث من التاسع بطلق طبيعي
لكن صار عندي خبره
واولادي كلهم طوفت عليهم مابين ١٠ ايام و١٥ يوم اثنين جبتهم صناعي اتنوم اسبوع وبعدها اجيب
وهذا باذن الله عندي احساس بالاسبوع الثاني من التاسع يارب اجيب فيه بصحه وسلامه ويكون طبيعي
وسلامتكم 🌹
طولت علييييكم 😂

ي مساء الورد 🌹🌹