التجمع 104 للمقبلات على الحقن المجهري واطفال الانابيب 🥀

عن تجربه العبي رياضه وطولي شويتين اعرقي لين خلاص تحسين اخر مجهود عندك وبعدها شاور وشوفي كيف احلا نومه ومو مهم وقت الرياضه صباح ليل انا دايم اسويها الليل والله سبحان الله تطلع كل طاقتك السلبيه وتفرق معك نومه الليل انا لان خلقه نوم قليل بس انام نوم عميق في اليوم الي لاعبه فيه رياضه

الخير فيما اختاره الله استخيري قبل كل شيء...انا اليوم رحت لعيادة الدوحة بس للمبنى الثاني (مو من جهة الدكتورة مها) في مدخل الباب شفت أشغال و تصليح... بس ما فهمت فين المستشفى اللي راح يكون فيه السحب و الترجيع وهل اللي نكمل معاه متابعة دكتور ولا دكتورة ؟!

انا من التفكير صرت متوترة و مو مرتاحة و خايفة و كل يوم اشوف الحقن و سيرته بأحلامي .... يا رب ارزقنا راحة البال يا رب ارزقنا و لا تحوجنا للعمليات..

خوفك طبيعي وكلنا نمر فيه خصوصا اللي اول مره توكلي على الله وسويها الدوره الجايه مايخالف خلك هذا الشهر ارقي نفسك دوامي عاالأستغفار وقراءة سورة البقره ودللي نفسك هاالشهر عشان تكون نفسيتك مرتاحه المره الجايه يمكن خيره انك ماعملتيها هاالشهر لاتنقهرين ولاتزعلين وعسى ان تكرهوا شيئا وهو خيرا لكم

حبيييبتي كلامك ريحني فكرت حالي انسانة متشائمة و اني الوحيدة اللي صار معي تردد ... لا حول و لا قوة الا بالله