التجمع 104 للمقبلات على الحقن المجهري واطفال الانابيب 🥀

ههههههههههههه والله اني حاسه .. ودك لو ندخل الدكتور بندر معنا هنا بالتجمع كان الضعيف ينتحر من هول الصدمة بسم الله علينا نشتغل على نفسنا صح الله لا يضيع لنا تعب والله يفرح قلوبنا جميعاااااا بالذرية الصالحة والحمل السليم المعافى .

مشكوره لردك وذوقك في الرد بحذف السوال طمنتيني شوي

الله يجزاك خيرررر ويرضى عليك .. وهذا اللي بسويه ان شاء الله . الف شكر لك ع الرد .

اختي انت في وين ؟
صدقيني خيره
وترى الدكتوره ما شجعتك وهي لها دور كبير
واذا انت ثاني يوم عندك فرصة باقي بكرى وبعده
والله يكتب لك الخير

الله يطمنك ويهدي خوفك
شوفي حبيبتي الفشل بهالعمليات وارد بكل صراحة لان نسبة نجاح هالعملية ما تتعدى ٤٠ % بأحسن الاحوال يعني حتى لو الاجنة كويسة والرحم كويس والبويضات كويسات والحيوانات المنوية كويسة وكل شي كان تمام وارد تفشل بدون سبب لان الله ما اراد ولا نفخ الروح بهالجنين لكن مهما صار نجحت او فشلت حطي ببالك ان الدنيا ماتوقف عند هاللحظة صح فشلها بيكون صدمة وبتأخذين وقت على ما تقدرين توقفين على حيلك من جديد وتدخلين بتجربة جديدة وافضل شي تسوينه بهالرحلة سواء بتخوضينها او لا حسن الظن بالله والتفائل ان حتى لو مانجحت لا سمح الله بيجي يوم وتحملين سواء طبيعي او حقن وقريبا باذن الله بتكونين ام
والله ندم السنين اللي تضيع بدون سعي جاد مننا ومحاولات انجاب مؤلمة اكثر من فشل الحقن المجهري يكفي انك سعيتي وحاولتي وربي شايف وعارف بسعيك ولا راح يضيع كل شي بأجره وعالاقل ضميرك مرتاح انك سويتي كل السبل مو اهملتي السعي
توكلي على الله واحسني الظن وحطي ببالك الاحتمالين وحطي ببالك هالجملة " بيفرجها الله مهما ضاقت وتعسرت وبتصيرين ام لابناء صالحين سليمين بارين باذن الله " 🙏🏻💟