اصعب موقف مر عليكي

موقف الي صار لي كنا طالعين كشته بالبر بعد ماتعشينا مشينا للبيت وركبت مع ابوي قدام ونسيت بنتي الصغيرة كان عمرها عشر شهور تقرييا ونمشي كم كيلو لسى ماجينا الطريق الاسفلت على طريق صحراوي يخوف الا فجاءه اتذكر بنتي واشهق شهقه بغت تطلع روحي ابوي من الخرعه مسك فرامل واصرخ صرخه قووويه بنتيييييي نسيتتتتتها يويلي وي...... الا اختي تنط وهي كانت ورا قالت يالخبله بنتك نايمه بحضني بعدها جاني انهيار وابوي يقول زين ماطلعت روحك من الشهقه

في مواقف كثيرة من صعوبتها تفطر القلب ،، وخاااصة لو كان الموقف يخص ابنك او بنتك ،، وانا مريت بموقفين فعلا تغيرت حياتي وحتى شخصيتي ونظرتي للدنيا وللناس حتى اقرب المقربين منهم ،، ما احب اتكلم فيهم ولكن بدايتها عمل سحر سوته لي شغاله في وسط بيتي ( المطبخ) حطته حسبي الله فيها الله يكافيها وينتقم لي منها ،،
قد ما نهتم فيهم وندلعهن ونحسن اليهم يظل الحقد يملأ نفوسهم ،،


لكن ممكن اقول لكم موقف حصل لولدي الصغير ويتجلى في الموقف لطف الله سبحانه ..


كنت توي ناقله فيلا جديدة وفيها حوش صغير وكان الحي جديد البيوت فيه قليله وكأنك في البر نفتح النوافذ ولا احد يكشفنا وامامنا جبال حرة المدينه ،، وكثير بيوت تحت الانشاء لذلك مليان دركتورات وشيولا وقلابيات وعمال ..


في يوم عيد الفطر انا اعيّد عند اهلي وعيالي معي الى الظهر نرجع البيت ميتين تعب نصلي وننام .
وفي السيارة نامو اطفالي كان الصغير في حدود سنتين ،، حطيتهم بفراشهم وغطيتهم بنفسي والكل نام حتى ابوهم وانا صليت وعيني مغمضة من النوم ،، ماادري وش طلعني من غرفتي للصاله ناظرت للحوش الا واشوف باب البيت مفتوح 👀
انفجعت الكل نايم !! واول ما جا ببالي اشوف ولدي الصغير لأنه فيه هوس النزول للحوش . تعرفون عقب غمته الشقة اللي كنا فيها لقى حرية ،، ورحت غرفته وتهيأ لي انه مغطي ونايم كانت البطانيه كأن تحتها جسمه الصغير .. ما فتحت اللمبة ولا لمسته من عند الباب ناظرتهم هو واخوه ..
المهم من غير شعور نزلت تحت اقفل الباب وانا متأكدة كان مسكر وصلت الحوش ومازال قلبي منشغل لا يكون ولدي طلع رغم اني شفته نايم ،، وعارفته قصير ما يطول زر الباب اللي يفتحه ،، مستعجلة وبالبجامة ،، انشغال قلبي بدون شعور حطيت على راسي مفرش الطاولة اللي بالحوش (مفرش دائري قماش ) وطلعت ..طالعت يمين وشمال ما شفت شي الا اكمل خطوتين عالارض اللي جنب بيتنا كان فيه كومة رمل وعندها شيول مدري دركتور حق البنا والشمس حارة عز الظهر الا هذا ولدي مرمي فوق الرمل وناااااايم ،، بغى يوقف قلبي ،💔
شلته ولا صحى دايخ ،، طلعت به وحطيته بسريره وقفلت باب البيت بالمفتاح ،،
الظاهر مشى وهو نايم ، ما ادري كيف قدر يفتح الباب ..


ربي لطف كنت على وشك نوم ،، ولو نمت فعلا معد نصحى الا المغرب وحوله ،،
الشمس قويه وممكن لو عامل شغل الدركتور كان دفنوه ما شافوه ولا يجي ببال احد ..
الحمد لله على لطفه الخفي

ذكرتيني بموقف حصلي قريب من موقفك كنت خارجه انا وولدي والسواق ابي اغراض تقريبا الوقت متأخر شوي برمضان العام الناس صاحين بس المكان كان فاضي جا واحد تمشكل مع اجنبي وراجع زي المجنون سيارتة جنبنا واخذ حديدة حقة الكفر الظاهر المهم شكلها يخوف ودخل يضرب العامل مسكين شكلة يحزن العامل دم ودايخ وماقدر ابد يتكلم وبعدها هرب ذا اللي معصب وقتها ماادري ايش اسوي اخاف ابلغ وادخل بمشاكل حتى السواق انخرش قلت خلاص ودي بيت ورجعت البيت ونفسيتي زي الزفت كان اصعب موقف مريت فية حزني كثيييييييير مدري ايش صار فية 😪وزي ماقلتي ياروح مابعدك روح

من اصعب مواقفي لما كنت صغيره خرجنا البحر مع قريبتي وبنت عمي كانت بنفس عمري رحنا نلعب وهذي كانت تحب شخص وتلاقوا هناك كنت صغيره حكيت اللي صار ببراءه ماكنت اعرف شي وهما كل اهلها عصبوا علي وخاصموني وكذبوني وبنت عمي نكرت اللي صار أمها علمتها ماتحكي شي ماانسى هالموقف والحرمه حقدت علي حتى قاله بتشوه سمعتي وفي حده وصلتلي كلام انه اتفقت مع شخص ييقول انه معه علاقه معي ماادري ان كان صدق او لا الحمدلله هلا اتزوجت ومافي شي


وثاني موقف لما اتزوج عمي صرت انا وزوجته صديقات مع اني مااعرفها من قبل كنا نضل مع بعض كثير ونحكي كنت انا مخطوبه وهي تحكيلي عى الزواج وتعلمني وكذا المهم في يوم رحت عندهم كلهم اتجمعوا علي حتى جدتي وقالوا انتي تعلميها علينا وتحكي علينا عندها قالوا كلام يسم البدن والله ماانسى ضلموني اقسم بالله جلست اطالعهم وهما يتهموني و كل وحده تقول كلام انا خلاص انفجرت بكى والله بكى ههستيري حتى انه مالبست البرقع ولا الجزمه مشيت الشارع مسرعه ودموعي زي المطر واختي الصغيره تلحقني ضلموني كثير هالعالم وضلموا امي حسبي الله عليهم

دموعي نزلت من موقفك ربك ستر ها معكم
لا اله الا الله
شي يخوف