اصعب موقف مر عليكي

الحمد الله انها جات على كذا😚🤔

حمدلله

فكرت أشارك بموقف بس خفت إنه كالعاده تصير مشاركتي آخر رد و أنحس الموضوع 🤢🤢

انا اصعب موقف مر علي يوم وفاة الغالية امي الله يرحمها ويسكنهاالجنة
كانت متنومة بالمستشفى لأنها كانت مريضة سرطان وفي مراحلة الاخيرة كانت في اسبوعين زي الغيبوبة يادوب تصحى تصلي وترجع تنام حتى احيان كانت تقوم تصلي وتنام وهي تصلي وتصحى تكمل وكذا وضعها وفي اخر يوم لها كانت اختي الصغيرة مرافقه لها انا مقدر ارافقها معي طفل صغير وقتها وفي اخريوم لها جانا الدكتور وقالنا انها في حالة احتضار لو توقف القلب تبون نعمل لها انعاش بالكهرباء ورديت انا لأني الكبيرة قلتله لا يكفي اللي شافتة بحياتها 11 سنة وهي تعاني من المرض تبغون بعد تصعقونها بالكهرب لأ والف لأ وكل اخواني كانو موجودين ومحد فيهم تكلم وراح الدكتور وانتهت وقت الزيارة والممرضات يبونا نطلع ووقتها سبحان الله رفضنا نطلع وخليت ولدي مع زوجي ذيك الليلة وانا وبنت خالتي واختي ندعي لها ربي يهون عليها وكانت نايمة وجاء وقت صلاة العشاء وكانو البنات قاعدين وحدة عندراسها ووحدة عندرجلها وانا كبرت بصلي العشاء وتوني بالركعة الاولى الا النبض في الجهاز يطلع وينزل بقوة وامي قامت من نومتها وبدت تطلع صوت غرييب سبحان الله وفتحت عيونها وطالع فوق وانا قطعت صلاتي لأني حسيت بصوتها الا بنت خالتي تلقنها الشهادة وانا تسمرت مكاني من الخوف وفجأة امسك رجولها واقول يااااربي تهون عليها سكرات الموت ونشوفها رافعة السبابة بأقوى ماعندها ياربي لك الحمد وتتشهد وطالع لفوق وفجأة يجون الممرضات يركضون يسحبون الستاير علينا وتجي وحدة تبي تعطيها علاج بالفم واجي ادفها بآقوى ماعندي وخري عنها خلاص بتموت ياربي رحمتك وخلاص طلعت روجهاالطاهرة ولحد ماماتت واصبعهامرفوع ياربي ترحمها وتسكنها جنتك وسبحان الله افكر لواني مشيت عنها وخليتها والله مااسامح نفسي ابد الحمدلله ماتت بحضني انا واختي وانا غمضت عيونها ووقفت بنت خالتي معنا ماننساها ابد وياربي لك الحمد اللي اعطانا القوة لأننا اللي غسلناها وربي مسح ع قلوبنا ذيك الليلة ومن قوة الصدمة مابكيت وقتها وكأن انعدم فيني الاحساس ومن بعدها حسيت كأني أقول الحمدلله اللي ربي رحمها من التعب والمعاناة اللي شافتها بحياتها وكانت وفاتها يوم جمعة الله يرحمها ويغفرلها ويجعل مااصابها كفارة لها

لايطلع حتي عند الباب تخافين ينخطف حد يستدرجه خلو عيالكم عندكم بالبيت واستودعوهم الله سبحانه وتعالى وين ماكانو وراحو