التجمع الخامس لأمهات سبتمبر & أكتوبر 2018👼🎊🎉

السلام عليكم
مساء الخير على الجميع


ماشاء الله تجمع جديد وكالعادة ماشين ألف 😂😂
الله يعطيك العافية حبيبتي ام زياد على اهتمامك بالقائمة وفتح المواضيع حبيت الصور مرره كيوت تحمس الوحدة تقضي 😅


مبرروووك للي عرفو جنس أجنتهم وعقبال الباقين وماشاء الله فريق الاولاد شاد الهمه 👦🏻☺️


شخباركم ان شاء الله الاغلب خف الوحم معاهم
طبعا انا العكس كنت بالبداية مبسوطه مااتوحم وماكان فيه غثيان بسيط ونفخه بس من دخلت الثالث وانا زاد الغثيان واستفراغ وزادت حساسيتي تجاه الروايح لدرجة صارت ريحة القهوه تجيب لي الغثيان بس عندي امل اني اذا دخلت الرابع تختفي هالاعراض يارب الله ياجرنا

حيا الله ايس تي من زمان عنك

انا ودي اجهز للبيبي بدري قبل رمضان بس قريت موضوع ان قبل الاسبوع ٢٠ اعضاء الولد والبنت تكون تتشابه عشان كذا اغلب الدكاتره ياخبطون ويقولون ولد بالاخير تطلع بنت لذلك ينصحون ان الافضل بالاسبوع ٢٠ اللي هو بداية الشهر الخامس وانا اذا ربي تمماكون برمضان مافيني حيل اجهز هالشهر ودي قبل والموضوع كان مدعم بصور سبحان الله واقنعتني ودي انزله هنا بس مااعرف شلون

والله كانك توصفين حالي صرت ماارتاح بالنومه واتقلب وصايبني ارق عادي تطلع الشمس مانمت ماادري وش الحل الدكتوره قالت مستحيل اكتبلك شي يساعد على النوم قلت مافي شي يناسب الحوامل 🤕 احيان اليوم كله ماانام الا ٣ او ٤ ساعات وبالنهار مو بالليل
اقول اذا بالبداية كذا شلون الاشهر الاخيره الظاهر مابنام بالمره ماادري عشانه اول حمل لي مو متعوده يمكن

انا والله ماارتحت الا يوم قطعت منتجات الحليب يعني مو بس الحليب والجبن واللبنه وكريمة الخفق والباشاميل كل هالخرابيط بس اكل زبادي عشان اعوض الكالسيوم ومايسبب نفخه سبحان الله
واذا تقدرين بعد قطعي الفول والعدس والبصل الني والفجل هذي كلها تهيج القولون وتسبب انتفاخ وغازات انا ماكنت ادري بالبداية كنت اموووت من بطني منتفخ كاني بالخامس والا الرابع وكان يصيبني امساك كل يومين ويوم تركت هالاشياء ارتحت والله
وطبعا القهوه والشاي قطعتها لانها تسبب حموضه وارتجاع واصلا كثرتها مو زينه بالحمل
كلها كم شهر نترك هالاكل ونرتاح وبعدين نرجعله اهم شي الحمل يمر براحه وسلاسه كافي المشاكل اللي تجي معاه من الم ظهر وثقل وتنفخ نخفف من باقي المشاكل اذا نقدر نسيطر عليها ونقطع اسبابها


نصيحة لكل اللي يعانون من القولون الغو هالاصناف من اكلكم قد ماتقدرون وكثرو سلطات وسوايل بترتاحون

مساء الخير يااحلوين


كيف حالكم وكيف الحمل معاكم


النت ضعيف ماقدرت اقرا الرسايل


المهم مانسيتكم دعيتلكم اليوم تيسرت واخذت عمره وانا الان بمكه


بس عندي سؤال ماتعرفون شي عن ( قسى )>> لاتضحكوا علي مره ناسيه الاسم ماني متذكره الا الكلمه هاذي حتى اليوم وانا ادعي اهم شي النيه 😬