التجمع 4️⃣ لحوامل🌸مارس وابريل 🌸2018

ماشاء الله الحمد لله على السلامه ومبروك البنوته تتربى بعزكم

وش نسوي طيب 😭

انا في بنتي هاذي كانت المويه قليله من السابع وكمان المشيمه في الثامن بدت تنشف فقالت لي اذا قعدتي على كذا اولدك اول التاسع يا بطلق صناعي او عمليه لان البيبي راسه فوق والمويه اللي بتساعد انها تنقلب قليله ووزنها ضعيف بسبب جفاف المشيمه..
بس الحمد لله ولدتها في الاسبوع٣٦و٥ايام على حساب الدوره ووزنها ١٤٠٠ وطلعت برجولها مو براسها😁..
بس تتعب مررره لانها صغيره والمناعه قليله بس الحمد لله على كل حال..
انا من دخلت الثامن وانا كل يوم اشرب ٣لترات ماي او اكثر واكل تمر واشرب حليب وعصيرات وكل هذا وجت نتتتتتفه وتخيلي سرتها من ولدتها سبحان الله ناشفه قعدت اربع ايام وطاحت..
اهم شي كثري شرب الماي والله يعينك ع روحت الحمام كرهت عمري وانا رايحه راجعه😉..
والله يسهل ولادتكم يااارب وتفرحونا ..

والله من زمااان عنكم جبت بنتي وماعاد لقيت وقت اني اقعد ع الجوال تعبتني الله يكون بالعون☺☺..
الف مبروك ملاك الولد وان شاء الله تشوفينه عريس 🤵..
ارجوان الله يسهل امرك يارب انتي كان بيني وبينك يوم على حساب الدوره بس سبقتك مستعجله 😊😊😊..
الله يسهل لكم الولاده ويجعلها بردا وسلاما يااارب..
بنات نصيحتي لكم التمر ترى مره يساعد انا طريقتي من صار لي اسبوعين في الثامن اخذ كميه تمر مقدار انك تجمعين ايدينك مع بعض يعني كميه حلوه واحطها في الماي واقعد ادعكها بيدي الييين يصير زي العصير بس ثقيل شوي اصفيه من النواة واشربه كل يوم اسويه بالليل مره ساعدني الحمد لله..
وكمان عندنا هنا طريقه يالمغربيات اذا صار لك ثلاث اسابيع في الثامن او قربتي تدخلي للتاسع نحط في ابره حقت المستشفى البلاستيك نعبيها زيت زيتون ونفرغها في المنطقه عشان تلين وماتضرها الولاده ونلبس فوطه صحيه عشان ماتتوسخ الملابس..
وكمان وقت الولاده مع اغراضك تاخذين علبه فيها زيت زيتون لافتح الرحم وبتولدين تصبها فيك الدكتوره عشان تساعد البيبي يطلع وماتضرك انتي..
واهم اهم اهم شي الدعاء والاستخاره اهم شي هالاثنين في كل صلاة ادعي ربي يسهلك امر الولاده..
يارب اسالك ان تسخر لي القلوب الرحيمه والايدي الماهره..
والله يسهل عليكم يااارب وتفرحونا 😊😊😊

مبروووك رندا والحمدالله على سلامتك