لكل مبدعة بالكروشية ..تعالي كلميناعن بداياتك

هلا والله حبيبتي منوره الموضوع
سعدت كثيرا بسماع قصتك مع الكروشيه
الله يوفقك

أنا تعلم من أم زوجي الله يحفظها علمتني كتير أشياء و بعدين كملت من اليوتيوب

ايش اقول بس عن حبي وشغفي الكروشيه


حبيته وعشقته من قبل ما اتعلمه كانت تجذبني صور المفارش والفساتين والبطانيات كنت اتفرج واحلم واتمنى اني اعرف لها لكل هذا ظل حلم لمدة سنوات ماحاولت تحقيقه


وفجأه بدون سابق انذار رحت اشتريت خيط وسناره وصرت افتح مقاطع باليوتيوب واطبق مع المقطع خلال ماهو يشتغل


طبعاً كانت يدي بالبدايه تسد الخيط او مرات ارخيه ومع الممارسه اتعلمت الحمد لله ولما وصلت مرحلة تعتبر جيده قلت جا وقت اني اتعلم قرائة البترون عشان يكون عندي مجال اوسع بالأعمال


وجلست فترة اتعلم دروس نظريه من اليوتيوب ومعايا الورقه والقلم اكتب كل غرزة مع رمزها وبدأت بعد فترة من الدروس النظريه اطبق على بترونات صغيره مره وحده مربعه ومره وحده دائرية وهكذا




والحممممممممد لله وصلت لمستوى اعتبره رائع لاني مارصلت له الا بعد دراسة ومتابعه بفضل الله وبدون دورات كله كان مجهودي الشخصي

انا احب الكورشيه ومافي حد في البيت يعرف له الا انا اول شي منتدى كنت ادخل واتمنى اتعلم. لين ربي ساق لي معلمه في مدرسه ممتازه عطتني البدايات وانا انطلقت. وعقب ام عزيزان طلعت كتبها الثنين وشريتها وطبقت كل شي في كتاب ام عزيزان وهذا الي صقلني اكثر صرت بعد كتب ام عزيزان اعرف اقرى البترونات. وعقب تجراءت اخير و صرت اشتري. مجلات الكورشيه. واطبق الي اشوفه