فيه ناس بيشوفوني

اللبس محتشم وناعم والمكياج بسيط مره
التقديمات والبخور كأي ضيوف عادي بس بدون تكلف زائد
ومبروك ربي يتمم لك ع خير..

بخرو بعود افضل ، وقهوه وشاهي ونوع واحد حلى يكون تشاكليت وتمر بس ،وانتي البس لبس لونه حلو اذا جسمك حلو افضل من الاسود ي فستان او تنوره وعادي تكون ميدي يعني فوق الكعب بشوي مايمنع مع شوز حلو يعني كأنك عازمه ناس فبيتكم ورتبي شعرك وحطي ميكب خفيف وقلوس فاتح

السلام عليكم ورحمه الله
شافوني اليوم
ماطولت بالجلوس امكن ٤ دقايق وطلعت عادي ولا 😬😂 استحيت
وهم ماجابوا طاري خطبة ولا زواج للوالدة ماادري ! هل عادي
بعرف كم يوم ومفروض يردون علينا وهل هم الحريم راح يتصلوا على امي ولا فقط الرجال
احس الموضوع مسبب لي تفكير وتوتر وقلق
تكفووووون دعواتكم لي إن كان خير لي فاجلعه من نصيبي

زين الحمدلله صارت الشوفه


ماقعدتي كثير اجل ... المهم انهم شافوك زين .. بس يعتبر شوي 4 دقايق
فيه ناس تخلي الشوفه سوالف عامة و تعارف ، و انتو تعرفون فلان وتقربون للفلان وو... لكن ما يتكلمون عن ولدهم ... لأن أصلا معروف الغرض من جيتهم ... فماله داعي الاحراج ...


وعقب مفروض الام تتصل ... و تقول متى تبون الولد يجي يشوف البنت ... يعني ينتقلون للمرحله الي بعدها


لكن بقول لك كلمه من القلب ... بكيفهم حتى اذا ما اتصلوا لااا تضيقين ... انتي اساسا اذا فكرتي بالزواج قولي يا هذا يا الي بيجي بعده ... لا تعلقين تفكيرك فيهم .... لأن في حالة ابتعادهم تأكدي انها خيييرة لك ... حنا ما نعرف الغيب نهائيا وما نعرف هالناس الي داخلين علينا فيهم خير أو شر ... فقط رب العالمين الي عارف ...


المهم انك سويتي الي عليك و ما استقبلتيهم بتكشير او وجه عابس و الحمدلله .