الحمدلله سويت السحب لكن سويت لهم فلم مرررعب واكشن ودراما قبل العملية من كثر خوفي
وربي يا بنات كل ما تذكرت خنبقتي بالكلام واخزيااااااااه وربي فشيلة
احس اني جبت العيد من جد
انتم عارفين اني اخاف من البنج وصياح ونياح والممرضات اجتمعو كلن يسألني من جهة سألوني عشر طعش الف مره ايش اسمك ؟ ايش اسم زوجك ؟
وأنا منيب في حالهم اخرتها قلت للمرضة اللي سألتني للمرة العشر طعش خلااااص فكيني ابغى الدكتور بندر بساأله ولا تخدروني قبل ما اسأله
والضعيفة الثانية قالت خلينا نجهزك طيب بغيت ارفسها
تقولين قطوة بياخذون عيالها منها
لين دخل الدكتور بندر واصيح عنده قلت له بيجيني جلطه بيجيني جلطه قال وهو يضحك افاااااااا
ثم حطولي حق الاكسجين واصرخ دكتور دكتور خلهم يشيلونه ما ابغاه
احس انه يقول ياااااربييييه ابتلشنا في هالانسانه
قالهم شيلوه شيلو اذا بنجناها حطيناه ثم جاء فوق راسي قال لي رددي وراي
بسم الله الذي لا يضر مع اسمه شيء في الارض ولا في السماء وهو السميع العليم رددتها معاه
ثم قال عيديها عيديها وكأنه مدرس وانا طالبه
الا وأنا ما دريت الا انا قايله بسم الله الذي لا اله الا هو اشهد ان لا اله
واروح في سابع نومه
المهم الحمدلله على كل حال سحبو مني 7 والله ينفع بها
التجمع105 للمقبلات على الحقن المجهري واطفال الانابيب 🥀
متابعة النقاش، صفحة 125