هل الدعاء يغير القدر مع العلم انا متزوجه ولكن لا احب زوجى
تعبت وانا ادعو الله من قبل زواجى بأربع شهور ان ربنا يبعده عنى وكنت الح فى الدعاء وكنت مواظبه على الصلاه والاستغفار .. للاسف مكنتش عارفه اسيبه لانى اتخطبت قبله 3 مرات ومحصلش نصيب فكان صعب ارفض .. هو كويس جدا بس انا مش قبلاه ولا قابله طريقته فى الكلام وكنت بلمحله كتير عشان يفهم بس من حبه فيا كان يتغاضى احساسه ويقنع نفسه عشان ميسبنيش بعد زواجى حاولت الانتحار عشان ميقربليش انا عارفه ان ده حرام واكيد الملائكه بتلعنى والله غصب عنى مش قادرة ابص فى وشه واكلمه ولا ريحة نفسه مش طيقاها مع انه نضيف جدا بس مش فاهمه فى ايه اهلى قرأو عليا قرأن وجابو شيخ رقانى بس لسه زى ما انا ولسه بدعى ربنا يبعده عنى .. انا عارفه انى ظلمته قبل ما اظلم نفسي مش عارفه اعمل ايه ادعى بايه تانى عشان ربنا يستجيب حاسه ان روحى بتطلع لما يقربلى .. اسفه على الاطاله ارجو الرد فى اسرع وقت بارك الله فيكم
