خايفه وايدي على قلبي انصحوني وش اسوي قبل يرجع زوجي

بنات اليوم زوجي طلع
وجلست عيالي بالصاله وشغلت لهم التلفزيون
ورحت لدوره المياه اتسبح
وانا بالحمام اعزكم الله اسمع صوت مفاتيح
توقعت انه ابوهم جاء
المهم لما طلعت تفاجأت ان عيالي مو موجودين ولا ابوهم
توقعت انه اخذهم للمجلس عند عمهم
طبعاً عمهم ساكن معنا
وسمعت صوت عمهم يسألهم من وين جبتو المفتاح
وولدي قال له مفتاح ماما
انا هنا نشف دمي
رحت ادور المفاتيح مالقيتها
على طول دقيت على زوجي وقلت له وكنت مره خايفه
قلت له الاولاد اخذو مفتاحي وفتحو الباب وراحو للمجلس
هو هداني وقال لاتخافين عمهم هناك
بعدها بنص ساعه جاء دخلهم لي
واخذ مفاتيحي معه مارجعها
ونظراته والله يطلع منها زي الشرار
بس ماقال لي ولا كلمه
وطلع على طول بعد مادخل الاولاد عندي
انا عارفه انه زعلان
مدري وش اسوي وكيف اهدي الوضع
انا كنت رافعه المفاتيح عنهم
بس هم قدرو يوصلون لها الله يصلحهم
تكفون ابي نصيحه وش اقول لزوجي

44 تعليق 13,029 مشاهدة

شاركي في النقاش

سجلي الدخول لإضافة تعليق.

التعليقات

35
  1. @hmamh_byda

    اذا مو واثق ف اخوه. لا يسكنه عنده
    انت مالك ذنب والاطفال معروفين بشقاوه
    واذا اخوه زعل من شقاوة الاطفال
    يروح يسكن بعيد عنكم
  2. صاحبة الموضوع
    حمامه بيضا
    اذا مو واثق ف اخوه. لا يسكنه عنده انت مالك ذنب والاطفال معروفين بشقاوه واذا اخوه زعل من شقاوة الاطفال يروح يسكن بعيد عنكم
    لا السالفه مو سالفه ثقه
    بس هو مايحب الاهمال
    الحين بيقول لو طلعو الشارع وصار لهم شيء
    وبيجيب افتراضات مالها نهايه
    واخوه يحب الاطفال مره اصلاً من حبهم فيه استغلو الفرصه وسرقو المفتاح عشان يروحو عند عمهم

تابعي تجارب أخرى من هذا القسم.