المضيفة المصرية 4 * اتفضلي اشربي عصير و خديلك ساندويتش كمان!!

كل سنة وانتو طيبيين ويا رب العيد السنه دي يكون عيد سعيد علينا كلنا

مشمش بليز لازم دكتور فورا لان الحاجات دي لازم تتعالج وانا مش هفتي بس في مرهم تحفة اسمه درمازين للحروق انا كنت وشي اتحرق برضه بس مية مغلية من ريدياتير العربية ورحت فورا على المستشفى وحظي ان كان فيه جراح تجميل هو اللي عالجني وقالي ان ان شاء الله مش هيترك اي اثر وكتبلي المرهم ده وفعلا الحمد لله انا وشي رجع احسن من الاول وكل الجلد المحروق اتقشر وطلعلي baby skinمن تحته اللي بيبقى وردي شوية ده لكن لازم ما تتعرضش للشمس لغاية ما وشها يخف خالص علشان ميبقاش لونين
على العموم انا الظاهر مش قادرة اشرح صح
فارجوكي
ارجوكي
ارجوكي تروحي لدكتور تجميل فورا وبيبقوا في اي مستشفى ممكن عين شمس التخصصي مثلا

اة والله يا فطومة انا كنت لسة بقولكم على الصفحة امبارح نفس احساسى اللى انتى قلتيه دلوقتى ان الشهر دة الحمد لله اللهم لا اعتلااض كان جميل جميل جميل حتى ليلة القدر الواحد ادركها والحمد لله اتبنج فيها او اغمى علية ولا اية متفهميش وواضح ان كلنا عندنا احداث جميلة الفترة دى

المهم روقوا علشان العيد ومتنكدوش على نفسكم وكل سنة وانتم يارب طيبين جميعا وكل اسرتكم طيبين

بدون ذكر اسماء كلكم عيد سعيد عليكم وان شاءالله نسمع اخبار حلوة عن مسلمة المختفية ونرجع بعد العيد وبعد الاجازة تملوا الصفحة من تانى بكامل عددكم وبالمختفيين
صباح الفل يا فطومة ويا ميرو ويا شيرى ويانودى

ازيك يا دينا عاملة ايه
اخيرا اسفرتي ونورتي، كل سنة وانت طيبة

وكل البنات بدون ذكر اسماء برضه علشان انتم ما شاء الله كثيرات قوي وانا بقى عندي زهايمر وما حدش يزعل مني

عيد سعيد يا رب عليكم كلكم واللهم بلغنا جميعا رمضان العام المقبل باذن الله

ويا رب يبلغنا ليلة القدر السنة الجاية يا دينا

الحمد لله على كل حال

ادعولي بس الأيام الكريمة دي تعدي على خير ويجعل لي مخرجا من الي انا فيه ربنا يكرمكم

يا ربى يا مشمش.....انا قلبى وقع فى رجلى اول ما قريت كلامك, مش قادرة اوصفللك شعورى, الله يكون فى عونك, كل ما اقرا كلمة اقول لنفسى ان شاء الله ما يكونش حصلها حاجة وحشة, بس اهم حاجة زى ما قالتلك دون انك تاخدى البنت قوام وتوديها للدكتور, حقيقى هى لسة صغيرة والحروق دى مش هاتسيب اثر ان شاءالله, لكن ده تحت اشراف الطبيب واستعمال الادوية اللى هيقول عليها, وعلشان نقدر نلحق اى حاجة فى اولها, وعايزة اقولك على حاجة صغيرة (مش بأنبك والله, لكن بلفت انتباهك انتى واى حد تانى, وانا معاكم) ليه الامهات بتستسهل قوى الدعاء على ولادها , لما يضايقوهم اوحتى ما يسمعوش الكلام, بدل ما يدعولهم ربنا يهديهم و يحنن قلوبهم عليهم , سبحان الله كأن ربنا بيسمعنا وقت الدعاء بالخير بس, ليه عى طول نضور فى القرآن اوفى سنة سينا النبى على حاجة نعملها وتقربنا من ربنا وفى دى لأ, مش الرسول هوالى حذرنا من الدعاء على انفسنا او اولادنا او اموالنا لعلها تصادف ساعة اجابة دعاء فيستجاب لها, والكلام ده برضه للبنات اللى لسة ما اتجوزتش لوقابلتك اى ضغوط بعد الجواز مع ولادك او جوزك , خلى الدعاء بتسهيل الامر هو اللى اسبق على لسانك, معلش انا طولت عليكى فى الحكاية دى لكن لانى شوفت بنفسى امهات استسهلت الدعاء على ولادها , ففيهم اللى حاله وقف , وفيهم اللى مات , ان شاء الله الدكتور يطمنك على بنتك , ويارب تشوفيها احلى واجمل عروسة.................