يا بنات حطو نفسكم مكاني وجاوبوني

اول شي بقول للمشرفات يرضى عليكم بستفيد من نصايح وتجارب الامهات ولعدين براحتكم انقلوه احذفوه اللي تبغون


بنات انا تعبت وانهد حيلي يا بنات .... والله تعبت تعبت تعبت تعب مو طبيعي والحمدالله ع كل حال .... انا يا بنات مغتربه ومبتعثه عشان الدراسه وخسرنا اللي ورانا وقدامنا عشان نجي هنا ... يعني ما بقي لنا اي شي في بلدنا الاساسي ... وقدر الله لي وحملت ... وانا اساسا ما استخدم موانع لان متاخره بالحمل ... وشاء الله يرزقني بالفتره هذي والحمدالله حبيته واتقبلته ... بس واجهتني مشكلة عدم التوفيق ... انا نويت ارضعه. طبيعي لاني ندمت ع الاول ... ما كملت ... والان صار لي شهرين بالضبط ... وانا احاول اكمل لاني اكثر من مره اضعف واستسلم واعطي صناعي وارجع اقرا كلام البنات بحسابات الرضاعه واتحسف ع ولدي ... احس اني اجرمت بحقه ... بس والله الرضاعه الطبيعيه ابدا مو سهله ... ولدي يبقى طول الوقت يبكي يبغى يرضع ... لان حليبي مو كاااافي وطول الوقت يبغى حضني ... بعكس اذا عطيته رضعه صناعي ينام ساعتين او ثلاث ساعات متواصل .... مشكلتي هي مع الرضاعه الطبيعيه زي ما قلت لكم ماخذه وقتي وانا طالبه غير صعوبه المنهج وصعوبه اللغه اللي تواجهني الدراسه تبغى تفرغ تاااام وولدي كمان يبغاني .... وانا من كثر ما تعبت احس جاني إكتئاب يا بنات صار لي شهرين لا واجبات ولا مذاكره والاختبارات بدأت وكتبي جنبي ولاقدرت اذاكر ... او اركز مرات اجلس ابكي ... ماودي اظلم نفسي او اظلم ولدي .... ابغى نصيحتكم يا بنات

25 تعليق 8,502 مشاهدة

شاركي في النقاش

سجلي الدخول لإضافة تعليق.

التعليقات

24
  1. لايكلف الله نفسا الا وسعها قلتيها عندج دراسه ليش تقعدين تعذبين بنفسج عطيه صناعي وريحي مخج


    والله الطبيعي متعب جربته بولدي مره مااتحرك من عنده لازم اقعد شايلته وارضعه ماارتحت لحد مافطمته
    عطيه صناعي وارتاحي تقدرين تلحقين على اشغالج وتخلصين
  2. @ahbar_mn_thhb

    صاحبة الموضوع
    وعندي سوال نسيت اكتبه .... حاسه بضعف كبير وارهاق ف جسمي مهما نمت احس جسمي تعبان ومافيني طاقه ... معقوله هذا بسبب الرضاعه وش التعب والخمول طول الوقت
  3. @kl_shy_kthb

    ي حبيبتي محملة نفسك فوق طاقتها
    شوفي اذا الله قال بكتابة لايكلف الله نفسا الا وسعها
    تجي انتي وتحملي وتهلكي نفسك ليش ترا الولد ماراح يصير لة شي بأذن الله من الرضاعه ترا نص العالم اولادهم ع الحليب الصناعي وبسم الله مافيهم الا العافية.
    عندي ٢وكلهم مارضعو طبيعي والحمد لله ماشاء الله مافيهم الا العافية وزوجت اخوية بنتها رفضت ترضع واختي ثلاثة عيالها كلهم مارضعتهم والحمد لله لا بكينا ولا ولولنا ولا كبرنا المووضوع
    بالنسبة لجسمك اكيد ارهااق وتعب الله يعينك يارب
    قبل النوم خذي حماام دافي واسترخي وان شاء الله تتحسني
  4. ‏بصراحة لو مكانك راح أحاول قد ما أقدر انه أرضع طبيعي بس مو على طول يعني ممكن انه أعطي في اليوم تقريبا أربعة رضعات تكون الصناعي وحاولي الوقت اللي يكون فيه فراغ اسحبي من حليبك و احفظهم لحد ما يحتاج أعطيه وانت شوفي اللي يريحك وحاولي ما تهملي طفلك ولا تهملي مستقبلك وربي يوفقك يا رب


    ‏وأنا الصراحة عندي ثلاثة اطفال كلهم رضاعة صناعي والحمد لله ما فيهم الا العافية
  5. @bylsan_83

    انا الحمدلله رضعت بنتي سنه كامله طبيعي وصناعي م شاء الله وكل الناس حطموني وقالوا مستحيل ترضع الاثنين اكيد راح تختار واحد منها وفطمتها لما كملت سنه ع الطبيعي ورجعت ع الصناعي والحين فطمتها نهائي يعني ياحلوه عطيه صناعي وطبيعي وانتي خذي مكملات غذائيه كالسيوم وحديد عشان جسمك لا يتعب

تابعي تجارب أخرى من هذا القسم.