هل انا غبية ولا ايش بالضبط

سوي الي يريحك
والافضل تعطينهم طناش

والله كنت زييك مره لدرجة رجع لي الموضوع سلبي صرت اكتئب وازعل ,وأتمنى ارد واذا رجعت البيت أقول ليت رديت وقلت وقلت وبعديين
وقلت يابنت ماعليك ردي على اللي يغلط عليك ولا يهمك وحده بوحده ولككن المشكله لازلت موجوده مااحس اني ارتحت احس بتانيب ضمير اذا رديت على احد لان مااحب احد يزعل مني .أو تكون أخلاقي سيئه
.وفالاخير لقت الحل اللي يريحني أي شخص مهما كان او يكون يجرحني على طول اتجنبه مااجلس معه او احتك فيه احاول قد مااقدر
واذا لاسمح الله وحصل انو اضطر اجلس بجنبه او بجلسه وحده ماااتكلم معه وااكون رسميه ,,\لان ماهمه مشاعري خلاص ايش خانته بحياتي بس تعب نفسي عالفاضي .
واحاول اتقرب من اللي يحبني او عالاقل يحترمني ويقدرني .واعامله احسن معامله

وجع ان شاء الله يوجعهم شكلها الموضه الجديدة ماشين على قله الحيا و الأهانه والشتايم عشان يقال لهم واو فلانه شخصيتها قويه مايدرون انهم منبوذين ومكروهين حتى انا اواجه المرضى النفسيين كثير في حياتي الله يعين بس الله يمحي كل وحدة قليلة ادب وتجرح الناس وهم ماسوو لها شي

بالعكس شخصيتك تهبل ياليتني مثلك انطش أصلا تدرين اذا طنشتيهم وعاملتيهم بالحسنى يزيدون قهر اكثر من لو رديتي عليهم بعصبية وتسلط دامه كلام يظل مجرد كلام وهم اللي بيندمون انا عكس اذا وحدة اجرحتني بشي ثرت مثل الثور الهايج وللأسف صاروا يستغلوني ويثيرون اعصابي وصاروا يطلعون علي اني دايم حزينة ومعصبة واذي جيراني وصارت الناس تتحاشني وشوهوا سمعتي رغم ان تصرفاتي كلها مجرد ردود عليهم شوفي شكلك انت واللي يتعبرون الرد قوة لسى ماجربتوا الحياة صح الحين فيه نوع خبيييث من الحريم يسوي فيك حركات من تحت لتحت ومستحييل يواجهك لو تسبينه يسوي نفسه ضعيف ويسكت قدامكم وقدام الناس لكن وش يسوي اذا راح يشوه سمعتك على أوسع نطاااق فلانة سوت وقالت ويحط فيك اللي فيك واللي ماهو فيك وبكذا الناس تتفاداك وحتى يتفادون يخطبونك لو انتي بنت ولو عندك بنات يبعدون عنهم على أساس انك شريرة وحتى خواتك يبعدون الناس عنهم واذا احد سال من الناس هل فيها وفيها بيقولون الناس ايه شفناها بالمكان الفلاني معصبة والناس للأسف العصبي دايم يعتبرونه حقود وشرير حتى لو الشي اللي سواه مجرد ردة فعل
عشان كذا اقولك علاج الحريم الموذيات الحقودات الشريرات وش
الصمت خليك صامتة اغلب شي لاتردين يشبون يحترقون ويردون ينطفون اهم شي انت محافظة على شكلك امام الناس انك مسالمة وطيبة في حال وحدة ابلشتك بكل مجلس تهينك بالكلام ومابينك وبينها رحم ممكن تردين عليها رد مسكت وذكي جدا مايشوه سمعتك قدام الناس بل بالعكس يثير اعجاب الناس بك وتردين بهدوء وابتسامة اذا الموضوع يحتاج ابتسامة مو عصبية ولوماتردين تدرين ان اجرك عند الله عظيم لانك تحملتي الأذى وانت طيبة ماذيتي احد المهم تطيعين الله ولايجي الناس منك شر وتدعين ربك بالتوفيق وتذكرين الله كثثيير هذا سر التوفيق بالحياة اما بقعد ارد على فلانة وعلانة وفلنتانة من صغار العقل ماراح اخلص وابقضي عمري كله بالحقد ووش ارد ووش أقول ووش اسوي شخصيتك واللي فاهمة ان العصبية والهواش والرد بوضوح وصراحة هو الحل للأسف ماهي فاهمة الحياة صح لان فيه نوع خبيييث من افخم الخبثاء الحريم هي تبيك تطلعين للناس بلصورة هذي لكن لو ردك ابتسامة مقابلة باحسان الابتعاد عن الأذى والقيام بالواجب وترك سفاسف الأمور ماراح يقدرون عليك ولايشوهون سمعتك امام الناس انا اكتب بسرعة ومدري وصلت لك الفكرة اللي ابي اوصلها او لا

وخالتك بسبب صلة القربى بالعكس ردك حلو عليها ولو رحتي وجبتي لها موية وقلتي تفضلي ياخالة الله يسعدك بالدنيا والاخرة هالشي بخلي الناس اللي حولك يعجبون فيك وقبل الناس الله يرضى عنك لانها مثل امك ولأنه من الاحسان للقربى وبعد هي بتندم وتستحي من افعالها وبتندم لو بعد حين