محتارة في تنظيف بيتك ؟أنا هنا😊 أساعدك بعشر خطوات ..استعدي

خواتي في الله ..بعطيكم هالجدول الاساسي لكل بيت امشي عليه بالضبط 💪 واضممممن لك بيت يلممممع ويلللق🌟🌟🌟🌟🌟
في عشر خطوات


وقتها تتمني اي احد يزورك فجأة 😂 لانك واثقه من نظافة بيتك
بسم الله نبدأ:
🏡 اكتبي النقاط وعلقيها في مكان واضح
🏡 حطي سلة فيها (منفظه +ملمع زجاج+مناشف صغيرة+ قفاز +معطر مفارش او كمفورت) مكنسه كهربائية او عاديه
🏡خلك سررررريعه عشان تخلصين في اقل من ساعه..
1-ترتيب سريع لغرف النوم و الصاله و المجلس
2-تجميع الملابس ووضعها في الغسالة الاتوماتيك
(لو غسالتك عادية اجمعي الملابس واغسلي ديوم السبت ويوم الثلاثاء)
3-نفض الغبار من الاسطح وتلميعها
4-كنس الارضيه (ومسحها لو احتاجت )
5-غسل الحمام
6-شغله وحدة من شغلات الاسبوعيه (لمده من ربع ساعه الى نص ساعه فقط)
ارتاحي الى وقت الغداء

7-اعداد وجبة الغداء
8- وانتي تطبخي :ترتيب المطبخ .غسل الصحون والفرن والارض
9- تبخير المنزل وتعطيره 💪
👏👏👏👏 احلى فقره
10-تشطيبات الليل (قفل المحل😁)
رتبي سريع حوسه الصاله .ارمي الزباله. رتبي المطبخ سريع ....

بسسسسسسسسسسسس
والله العظيم سهلللللللل
جربي يومين واحكمي بنفسك
هذا نظام حياة للسنعات
وقت الشغل حطي ماسك لشعرك ووجهك
-------------
اكتبي في ورقه ثانيه ايش يحتاج بيتك تنظيف عميق
مثلا:
ترتيب المكياج
دولاب المطبخ العلوي
دولاب المطبخ السفلي
دولاب المؤونة
ترتيب المخزن
تلميع اجهزة المطبخ
تلميع الثلاجه
المراوح
جدران غرفه النوم
كنب الصاله
المكيفات
كوي
غسل العبايات
غسل اللحف
المناشف
الخ......
عند فقرة 6 سوي شغله سريعه من هذي وكملي بكره
..
الكلام طويل لكن التنفيذ سههههههل مره
طلبتكم تدعون لي بالتوفيق بالدارين واحبابي ويهدي عيالي ويرزقني بولد صالح معافى
ولصاحبة الفكرة الاخت ندوش القحطاني عسى ربي يوفقها ويجزيها خير الجزاء سبحانه
تم بحمدلله 😊❤

47 تعليق 30,346 مشاهدة

شاركي في النقاش

سجلي الدخول لإضافة تعليق.

التعليقات

46
  1. @mzon2030

    صاحبة الموضوع
    اتمنى يستفيدون الاخوات ويحل اغلب التساؤلات
    خطه العمل متسلسه وواضحه
    تزيل الحيرة والتساؤل المعتاد (من وين أبدأ في تنظيف بيتي؟)

تابعي تجارب أخرى من هذا القسم.