الزواج من معدد

انا بقولك من واقع تجربة وحدة تقرب لي تزوجت اعزب وصارت بينهم مشاكل مدري وش نوع المشاكل وتطلقوا وبعدين اخذت واحد معدد غني حتى مهرها ماتحلم فيه أي بنت لم يسبق لها الزواج وسوى لها عرس وكل شي واخر شي مدري وش صار بينهم بس اخر مشكلة تعرضت للعنف منه عنف ماقدر أقوله عشان محد يعرفني بس عنف فيه إهانة لها اعظم من الضرب المهم تطلقت وكان مايبي هو الطلاق بس هي ماتحملت وضعه لانه مبين من تصرفاته مو صاحي وتطلقت يااختي حتى المعدد ماتدرين وش البلا اللي فيه حتى لو غني اطلبي الله الخيرة وادعي دايم لنفسك بالخير عن نفسي ورغم اني عانس وعمري كبير دايم ادعي بالاعزب والله يرزقني مااتمنى ورغم اني تجيني حالات ماودي اتزوج - رغم ان فيه وحدة بالمنتدى نصحت وحدة بموضوع ثاني قالت دوري لك معدد طيب وسمعته حلوة وتزوجيه ولاتاخذين اصغر منك !!؟على أساس تقدر البنت تخطب لنفسها ؟ووش دراها المعدد بيكون امان لها ؟وحتى لو كان طيب وامان يمكن هي ماراح اتحمل بتغار وتبيه يكون لي لحالها وبعدين وش دراها لو سمعته من برى حلوة وهو يهين اهله ليل نهار؟فيه شخصيات كذا اعرف وحدة الكل يمدحها وهي تذي اختها ودايم اختها تبكي منها بس محد يدري واللي برى مايدرون عن اللي داخل مالها الا الظاهر

الا طبيعية وكلامك صحيح والمعدد يبي يتزوج على حرمته على كل حال اذا مو انت اخذ غيرك ،، لكن اهم شي خذيه من بلدك منكم وفيكم يعرف لك وتعرفين له ، ولا تحسبين التعدد موب مسموح الا للسعودي فقط

لاوفو ق هذا يضحك على الثانيه على حسب مصلحته يقول كني اول مره التزوج ولاذقت الراحه زوجيه غير معك وكل الكلام ذا تمصلح
وهومكروش ومشرد من ام عياله

مو مشكله معدد بالتوفيق بس ياليت تشترطين موافقه زوجته عشان لاتدخلين على وحده تستقبل القبله وتدعي عليك لان مهما كان الزوج سيء الزوجه ماترضى يتزوج عليها زوجها وانت تتمنين واحد عنده زوجه.....؟

على اساس الزواج من معدد حرام علشان تخاف من دعوتها وانها بتستقبل القبله وتدعي عليها .. شرع الله ..الله مايظلم احد دامها تزوجت معدد ماهو حرام بس اهم شي ماتدخل الوحده بشرها على حياة الاولى .