مواقف يوم الولادة او البنج 😣😣😣😣

مافي بآلي اي موقف .. صراحه
نشوف البنات ومواقفهم

جميلة الفكرة 💛
ننتظر البنات

انا راح اخبركم بموقف مستحيل انساه وكانت حياتي راح تروح بتصرف غبي مني
كنت حامل وكان حملي الثالث دخلت التاسع وسويت سونار وطلع البيبي مقعد ووزنه مرتفع قالي الدكتور ماراح تولدي طبيعي لن وضعك صعب مقعد البيبي ووزنه كبير ولازم عملية قيصريه هنا لما قالي انصدمت وبس ابكي مدري ايش كان وضعي 😭حاطه فبالي انو خلاص عملية وتخدير وشق وبتصير علوم كلها الافكار صارت تدور ف راسي قال الدكتور ي الله قرري متى تبين العمليه ندخلك الحين ولا متى قلت لا ابي بعد اسبوع قالي تمام اجل يوم الاربعاء تحين الصبح خلاص بكتبلك تنويم وطلعت من عنده وانا ابكي المهم جيت يوم الاربعاء ووقع زوجي الاوراق ودخلوني ع كشك الولاده يجهزوني وياخذو تحاليل المهم شوي جاين يلبسوني البس حق التنويم ومدري ايش صار فيني لبست عبايتي واخذت شنطتي يابنات وهربت 😂هما ماشافوني نزلت الاصنصير ادق ع زوجي قلت وينك قال تحت تبين شي قلت ايه تعال خلاص بطلع 🤦🏻‍♀️

قال سلامات تطلعين ليش قلت الدكتور قال مو اليوم خلاص اجلوها☹️😕قال اها اجلوها انزلي انزلي ويصير خير ونزلتله وقلت هيا قال هيا فين قلت البيت قال طيب الرجال شك فوضعي قال انتضري دقايق اجلسي راجعلك وهو اثاريه بيرجع للدكتور وجين امسكه قلت اشفيك يالاه نمشي قال طيب ياعمري بروح دورة المياه اثاريه راح لدكتوره وقال الدكتور هذي زوجتك ايش فيها طلعت وجاني زوجي يقول تعالي ابيك قلت مابجي والله ماروح لو ايش ابعد عني قسم بالله لا اتصل ع ابوي الحين 🤦🏻‍♀️قال اتصلي خليه يوريك شغلك شوي يجي الدكتور ويحاول فيني قلت ابد ماني بداخله قال طيب خلاص دام نفسيتك تعبانه بعطيك فرصه ثلاث ايام وتجي وترا ع مسئوليتكم اذا جا شي مانيب مسئول قلت ايه ايه ماحد بيقولك شي اهم شي بطلع بنات مدري ايش كان فيني غبا مدري. عقلي صار فيه شي المهم

طلعت من عندهم ومرينا السوق لي وجه كمان اتسوق وزوجي ماصار يتكلم يناضر ساكت 😂😂رجعت البيت الي صار اخر الليل حسيت بشي فبطني من اسفل كن شي طق كذا وادخل الحمام الله يكرمكم الا شي كبير نزل اخضر عادي غسلت ونمت قمت الضهر الا ع موية الراس نزلت بقوه كنها بزبوز 😭😭😭واقوم اصيح ويقوم زوجي ويدق ع امي وجت وع طول ع المشفى وقتها زوجي وامي خايفين مره الوضع يخوف مقعد والولد اربع كيلو ونص ماشاءالله وامي بس تستودعني الله المهم دخلنا المشفى كشفو علي ساكتين ماقالو شي الرحم مفتوح خمس سانتي 😭والراس بقي فوق مقعد ع بالهم رجع بس باقي مثل ماهو طلعوني كشك الولاده المشكله غرفة العمليات محجوزه ناس بمواعيد وانا هربت وخليت موعدي والدكتور يقول مستحيل ادخلها وفي ناس حاجزين قبلها وهي راحت وخلت موعدها خلاص تنتضر وتفضا الغرفه انا ف الحضه ذي بدا الطلق يحما والدم ينزل بقوه واصرخ خلاص رجولي تنتفتح وحدها جا الاستشاري قال خلاص البيبي بيموت نزل الحوض ومافي وقت للعمليه دخلوها ولاده يابنات وانا اصيح بموت ابغا عمليه قال الحين تبكين خلاص خطيره انتي لازم تساعدينا وتولدين دخلوني للكشك وربطو رجولي وركبو اكسجين علي لن نفسي ينقطع وقلبي يضعف تجمع ست دكاتره ودكتوره وحده معهم كانو ف وضع صعب خلاص مايدرون ايش بيصير فيني وبولدي ويجي وقت الدف وادف واصيح وهما يقولو حاولي خلاص البيبي. بيموت وانا ابكي وادف لين خلاص فقد التنفس ويجون يخطون الاكسجين ويخلوني ارتاح شوي ويرجعو يضغطو بطني السساتر والدكاتره عند رجولي. لين طلع رجول البيبي ووحده من يده بس 😭😭😭