الي ساكنات مع أهل زوجها ومتذمرات تعالوا ابغاكم في كلمه راس

جزاكم الله خير جميعا على الرد
عادي الي ردت علي وقالت إنها لاتوافقني الراي فجزاها الله خير هذي وجهة نظرها وأحترمها
بالنسبة لك يا *&تلفون خربان &*
زي ماقلتي فية أخوات زوج يتكلمون على زوجات اخوانهم سوء ترى فيه زوجات أخوان يتكلمون على أهل زوجهم ظلم بس أهم شيء تتكلم مع الخلق في المجالس
الحلـوة
الله يرزقك بزوج يسعدك يارب وبالنسبة للدعوات وربي ما هموني لان ربي عالم ويش بنيتي
(alwan)
مشكورة ياقلبي والله يهدي الجميع

اي بالله النار ماتحرق الا رجل واطيها

مادري بنات بس
ممكن تكون هي انقرصت من احد مقرب لها نكدي
لا تلومونها .... مجرد وجهة نظر منها
======
وتره انا متزوجه
وفبيت اهل زوجي
وتحصل اشياء كثيرة لكن هي ممكن توها الحياة ماعلمتها

اختي شجرة الخير
باعطيك ابسط مثال
لاني بنت اصول ماقدرت اعارض واقول ابي بيت بلحالي
وهذا اجبار بدون اذن تحت ظروف الحياة ومقتضياتها .. صح؟؟؟؟

ثانيا الدليل هي تقول عيالي كلهم ولا واحد منهم بيطلع من هالبيت يعني قصدها انا وسلفاتي وعيااااااااااااااااااالنا للابد مع بعض علطول
بينما بناتها تقوم الدنيا وتقعدها عشان كل وحدة منهم تطلع فبيت بروحها

هذا مثال كبير مختصر عشان تفهمين بعض الاوضاع الي احنا عايشينها ظلما وقهرا واجباااااارا
وساكتين

وارجو انك تتفهمين قصدي هو الشرح لك لانك باين عليك لسه بنوته وبدري عليك هموم الحياة
وان شالله ماتشوفي اي هموم
تتزوجين وتطلعي فبيت لحاااااالك وترتاحين قولي امين

انا اشوف 99%من الردود ضد الكاتبة تدرون ليش لان كل وحدة تبي تشرط بيت بروحها مراح تتزوج
وكل وحدة تبي تسكن عند اهل الزوج شوفي اشبيصير جواسيس وكل البيت ضدها حتى التليفون لما يدق تحقيق والمطعم لما يدق الباب يدفعون افلوسة وياخذونة او يطردونة غير انة ما فية خصوصة الباب لازم ايتبطل عليكم حتى وانتم بأحرج الاوقات والاولاد لازم ينزلون عندهم وبعدين ينطردون بالحوش عند الخدم واذا ما اكلتي عندهم صارت مشكلة واذا اكلتي قالوا تاكل ما تشبع وبيومها انتي بالطبيب وعلى الدرب والمغذيات ويالة يالة تمشين واذا طقوا الباب وما فتحتي يا ويلكم يا سواد ليلكم ضرب بالباب لحد ما بينكسر وغيرة وغيرة واذا شافوكم بتسافرون ما اخلونكم واذا هم بيسافرن ما بياخذونكم بس كذا نكد وحسد وغيرة وغيرة غير ضرب طفلك قدامك وانتي تشوفين ولا ويا ويلك اذا تكلمتي اتطول السانها على الي اكبر منها صج جحيم
اعذروني يا بنات بس من قهري قعدت اطلع الي بقلبي والدموع بعيني مدري شسوي والمشكلة "انا اموت بزوجي واهو يدري عن كل شي بس مسكين ما يقدر ايتكلم"

كل وحدة فينا راح تتكلم عن وضعها لانه هي عايشته .. و على فكرة اهل الزوج مش دايما ضد مرت ابنهم بالعكسسسس ... في امهات ازواج أو(حماوات) بتمووووت بمرت ابنها و بتدللها كانها بنتها او أكتر .. بس انتي تخيلي انك و انتي عايشة مع امك بتصير مرات اختلاف بوجهات النظر و هي اممك .. ما بالك بام زوجك اللي مرات بتحس انه هي اللي ربته عمرها و تعبت عليه و اجت بنت الناس (الجميلة و المتعلمة و اللي فيها كل المواصفات) و حطها اخونا فوق راسه .. فبتغار شوي لانها طبيعة في البني ادم ..
و الله يعين و يصبر و يهدي النفووس :)

بس بيني و بينكم حلو البنت تعيش مع زوجها ببيت لحالهم خصوصا و هم حديثي الزواج .. اكلهم لحالهم .. طلعتهم و دخلتهم لحالهم .. لكن لو الله قدر انها تعيش مع اهله كماااان مو مشكلة الدنيا هيك و الشاطرة اللي بتشتري اهله و تحطهم فوق راسها مش تبتدي مشاكل معاهم ما لها اول ولا اخر ..
والله يعين كل وحدة ساكنة مع اهل زوجها ويوفقها انها ترضي زوجها و اهله بس مش على حسابها..