استشارة عن موضوع الوسيط العقاري الكتروني

راح تجيك العروض وانتي مكانك بس اهم شي حركي الحساب دايما بالردود
وبالتوفيق بس لاتنسين اذا جاتك عروض ابغى ارض سعرها مناسب ومساحتها ماتقل عن ٥٠٠ متر 🤣🤣

جزاك الله خير اختي ترانيم على النصائح
وفعلا قد عملت ماقلتي عليه فقد فتحت حساب على الانستقرام وبدأت بوضع عقار مطلوب بيعه واقوم
بزيارة صفحات تختص السياحة والسفر واكتب تعليق تعريفي عني 😊

ولايهمك اول ما تجيني أرض عليها عروض بخبرك 😂

تحياتي اختي ترانيم🌹

مشكوررة ياقلبي ع الدعوة ولك بالمثل

ماتوقعت ام روان تسحب علي عجبي ؟

ماودي تعتبرين ردي تحطيم او احباط لكن اعتبريه وضع النقط على الحروف وحقيقه لا بد من توضيحها
انا كانت لي محاولات وتجارب في التسويق الالكتروني بمجالات مختلفه ومن ضمنها العقار
واقدر اقول انها تجربه غير جيده بالنسبه لي ولكثير من النساء
وفي الحقيقه مجال العقار يحتاج اشخاص خبره بهذا المجال ويعرفون المنطقه ولهم اطلاع مستمر عليها وعلى اخبارها .
واسمحي لي اقول اقلها عشان تنجحين بالعقار كوسيط او تسويق لازم يكون عندك علاقات مع ناس كثير مهتمين بمجال العقار سواء تجار او مستثمرين او مسوقين ووسطاء وغيرهم والزبون تجيبينه بالتواصل بينك وبينه شخصياً واذا تم الاتفاق تكملين باقي الاجراءات مع المالك او المكتب وتاخذين نصيبك .

كذلك تكونين تابعه لمؤسسه او مكتب عقار تاخذين منه الطلبات والعروض ثم انتي بعلاقاتك وخبرتك تمشين امورك في مجال التسويق العقاري .
اما اذا راح تعتمدين على نشر اعلانات بمواقع التواصل كذا بعشوائيه وتنتظرين الناس يتواصلون معك فا انتي غلطانه وكل تعبك ومجهودك ونشرك بيطير مع الريح واي شخص له رغبه في العقار المعروض ثقي تماماً انه بيتواصل وجهاً لوجه مع المالك او المكتب او يزور موقع العقار بنفسه يشوفه ويتفق ويشتري ويسحب عليك يعني صاحب العقار والمكتب استفاد منك اعلانات ونشر واكلها بارده مبرده لانه مافي شي يثبت انه بسببك تم البيع .
عشان كذا من تجربتي ما انصح أي شخص يدخل كذا بطريقه عشوائيه لمجرد الاغراء بسهولة العمل الالكتروني وحجم الارباح المتوقعه ، وللاسف بعض مكاتب ومؤسسات العقار يتصيدون العنصر النسائي لجذب الزبائن بدون اي توجيه او تدريب او توعية لحفظ الحقوق .