زوجي يبغى يشتغل في كريم 😞😞

طيب انا مثاليه وغير منطقيه خلاص يلا ننصح كل الزوجات بالطلاق وكل وحده تتهاوش وتسوي مشاكل وتروح بيت اهلها !
بس احب اقول ان التعيم لغة الجهلاء .
ولازلت عند كلامي ان اللي في داخله تقوى الله لو تطيح بحضنه بنت عريانه بيصدها لانه مثل مافي بنات شريفات كذلك في رجال شرفاء ما يقبلون الحرام .
محاولة سرد قصص لجرائم لأجل ارجاح الكفه وتشجيع صاحبة الموضوع على الاصرار واختلاق المشاكل والطلاق امر سلبي جداً وانتي بنفسك لو حصل لك مثل هذا الموقف ماراح تقبلين بالتعزيز السلبي وتشجيعك على هدم بيتك ..
ليش بس ننظر للجانب الاسود والسلبي وماننظر للجانب الاخر الايجابي ؟!
انا اخوي استغنوا عنه الشركه اللي متوظف فيها وسجل في كريم توصيل ومتزوج ولا مره فتح فمه بكلمه عن اللي يركبون معاه او تكلم بشرفهم وعرضهم عند الناس .
اذا زوجك وزوجها وغيركم راعيين لعب وبنات فمن غير المنطقي نجي نعمم على كل الناس ونقول يا فلانه ردك مثالي لانه مايجي على هوى النفس !!
ماني خبله ولا عقلي خفيف ولما ارد على موضوع اعرف اوزن الامور واوزن قيمة ردي وافكر وين بيوديها واذا على صاحبة الموضوع عادي اقدر ببساطه اقول لها خذيها من قاصرها وتطلقي دامك مصره ليش مسويه شوشره وكثرة كلام على الفاضي دامك تبين الطلاق وهو يبي كريم !!

ليش عندكم صفة استباق الامور والاعتراض عليها قبل تجربتها ؟
على الاقل انصحوها تهدا وتركد وتسايره وتشوف لوين بيوصل الموضوع ممكن فعلاً حاب يجرب ويزيد دخله وممكن يجرب وما تناسبه ويتركها .
ليش تحرضونها تخسر بيتها وتشتت عيالها عشان موقف ممكن تتداركه وتحتويه الى ان يعدي بسلام !
ليش تتطلق وهي لسه ماشافت منه خيانه او تلاعب ؟

يا اهل العقل والحكمه والرأي السديد وجودكم في مثل هذي المواضيع ضروره لانكم توازنون الامور قبل تنهدم بيوت بسبب ردود تحرض على قرارات عاطفيه طايشه غير مسؤله وتخبيب في غير محله

الله يهدينا ويصلحنا اجمعين .

سين سؤال متى قلت تطلقي ؟!!!! ومين في قالت لها تطلقي !! بخيالك قراتيها يعني ياحريم عريانات ولا طلاق يااطخه ولا انزل مخه 🐒🐒 على فكره لو على كلامك الرجل مايتاثر بالعريانات كان ماامرك ربك بالحجاب حتى خلخالك لاينسمع صوته لانها فتنه !! اللي فيه تقوى يتجنب هالمناظر مويروح ويقول انا اخاف ربي ترى الشيطان مامات لاتاخذك العزه بالاثم !! ماحب كثرة الكلام والجدل اكتفي هنا ويارب تتزوجي الرجال اللي تجي بحضنه حرمه عريانه وهو ولا يتاثر 🤪 في الجنه ان شاء الله

انا معاك وردي كان نفس ردك ..

انتي اش فيك ياعسل مو مصدقه ان اللي يخاف الله ماتأثر فيه الحرمه حتى لو كانت عريانه؟؟؟؟؟ تبغين قصص من الواقع!!
مثل مافيه بنات محترمات ويخرجون بحجابهم كامل فيه رجال محترمين ترا العرض واحد للرجال وللمرأه المحترم بيخاف على نفسه وعرضه وقبلها يخاف الله...
لما سافرت كان فيه سواق يوصلنا لمشاويرنا وعادي انزل من السياره قبل زوجي واحيانا زوجي يحاسبه او يتفق معاه يجينا في وقت ثاني وفي الليل بصراحه انام الساعه ١٢ لاني اكون متكسره وزوجي ينزل يتمشى على الشاطيء او في المول ويرجع وكل ليله يقولي ابغاك تنزلي معاي الجو حلو والتمشيه بالليل مختلفه بس ارررفض
المهم ذاك اليوم مسكه السواق وقال له اذا تبغى نساء نظيفات وبأسعار رخيصه جداً وفيه كذا جنسيه وتختار منهم اللي تعجبك ومكانهم آمن جداً بوصلك لهم بالليل قاله زوجي خلاص اشوف انت روح وانا اكلمك بعد شوي
المهم جاني زوجي وجلسنا نسولف بعدين قالي لازم نغير السواق ذا مو مضبوط قلت له وعلمني السالفه ويقول والله لو واحد مايخاف من الله بيروح للحرام بالذات مع الاغراءات ذي وكل ليله وحده وسعر ررخيص احيانا الواحد يجيه الحرام لحده سواء بحريم في كريم او تعارف في مواقع التواصل او في المولات وهو عاد وخوفه من الله ..

انا ماقدر أتقبل فكرة انه يركب معاه حريم وهو وياهم لوحدهم في السياره
انا اعرف انه فيه كثير محترمات وفيه كثير سواقين محترمين
بس فيه كمان كثيييييييير وسخات ويدورون
رجال بأي طريقة
وتعرض نفسها
واذا ماعرضت نفسها يكفي الضحك والمياعه
انا اخويه قبل فتره اشتغل اوبر يقول بس تطلع البنت ترمي الطرحة وتعدل مكياجها
وتحط أغاني بجوالها
وتحاول تكلمة وتتحركش فيه لو سمحت حر علي المكيف
عندك مناديل
ممكن تحط جوالي بالشاحن
واذا كان في حاله وماسك
طريقه تقوله اللي ماخذ عقلك يتهنأ به
هذا غير اللي يقولون عادي نتواصل مع بعض ممكن سنابك
وتقولون عادي
انا متأكدة لو ذي المواقف تصير مع زوجي راح يتجاوب وياخذ ويعطي