بما اني سهرانه وفاضيه قبل اقوم اصلي قلت بنزل موضوع اتمنى من كل قلبي ماترد علي غير انسانه محترمه وفاهمه كلامي زين انا يابنات قبل يومين كنت راجعه خط سفر مع اهلي المهم خربت كفر سيارتنا بمنطقه قدييييمه مافيها ورشه حتى ووقف واحد الله يجزاه خير واعطاني كفر معه طبعاً ذا الرجال له ١٤ سنه بامريكا وتوه من سنه جاء للمنطقه اللي حنا فيها توظف بمستشفى المهم اني لي يومين افكر فيه 🙂مادري ليه رغم اني انا انسانه مو اي شخص يلفت نظري بس من مدح ابوي له كذا احس انه اشغل بالي احاول ابعده عن تفكيري موب قادره ودعيت دعوه ممكن تقولين غبيه اشلون تدعينها بس احس ربي قادره دعيت قلت يارب اذا فيه خير لي انك تألف بين قلبي وقلبه وتجعله من نصيبي << مادري ليه ماراح من بااالي يمكن لانو جذبني تعامله من مدح ابوي له ☹
المهم تشوفون هالشي غريب والا عادي يصير مع اي وحده ؟ واللي صار لها شي كذا كيف بعدتي هالشي عن تفكيرك ؟
شاركي في النقاش
سجلي الدخول لإضافة تعليق.
التعليقات
29- اللي فيك هذا اعجاب بشهامته من كلام ابوك عنه
حنا اي شخص ينذكر قدامنا بصفات زينه لاشعورياً نبتسم ونثني عليه وحنا مانعرفه
بس لمجرد انه انذكر قدامنا بالخير
دعوتك مافيها شي دايماً ادعي يارب ارزقني الخير حيث كان سواء هو او غيره
والله يرزقك باللي تبين ان شاءالله اذا كان فيه خير لك - ايوه ادعي الله اذا فيه خير ان شالله يكون من نصيبك اهم شي لاتتاملين فيه ولا تعلقين نفسك فيه مره عشان لو خطب وحده ثانيه ما تنصدمي لان الواحد مايدري عن علم الغيب ومن اي نصيب مكتوب
- دعوتك حلوة دعيتي اذا فيه خير يجعله من نصيبك
وكل وحدة بيكون عندها فراغ عاطفي وبتتمنى تملأه بالحلال ومع ابن حلال
لكن المهم لا تتعلقي فيه وتفكري فيه ليل نهار
كيف ؟ اطلعي امشي بالنهار المشي مفيد مارسي رياضة ومارسي هواياتك
اشغلي تفكيرك بشيء بتنسيه - لو تنسينه اسبوع تروح هذي الافكار بس عادي ادعي الله و تمني بالخير وربي يسعد ايامك
- ياكثر ماصارت معي قبل اتزوج الي يمدحه ابوي اتمناه من نصيبي وفتره وتعدي
مواضيع مشابهة
تابعي تجارب أخرى من هذا القسم.