خدامتي كسرت قلبي تكفون بنات واسوني

السلام عليكن بنات
بنات موضوعي مرا مرا يكسر الخاطر
بثولكن اول خدامتي سيرلنكيه يابنات قمة اخلاق كمية حب تقدرني تحبني جت حملت بولدي شالته شيل وبنتي واعتبرتها صديقه لي لا تطلع وحدة تتريق علي تكفون اللي فيني مكفيني
المهم ككلت سنتين وربي اجمل سنتين بحياتي لاني حملت بعد طول انتظار وجت وجه سعد ووجه خير ببيتي ورب المصحف ذهبي معها وفلوسي وصرافاتي عمرها ماباقتني ولا فكرت
استأمنتها على اغلى ما املك ذريتي اعطيها المفتاح يعني شقول لكم انسانه بس مب ذاك النظافه وسط ولا سنعه مرا قمت انا اطبخ الصعب والحلى وانظف العميق لانها تستاهل صدق صدق
سافرت وهي كلها حب لي وتقدير قالت بجي متقطع قلبها علينا دموع الوداع يوم راحت انا واياها بكاء
تخيلن كلمتني قالت ابشرك زوجي وافق هي قبل تسافر خوفها ان زوجها يرفض زوجها قاهرها يسكر ونذل بس يموت فعياله معها ولدين
قالت بجي فرحانه وتسأل عن عيالي ودموع صوتها لو اقول شي بكت المهم قالت وافق اشتغل سنه وارجع قلت وي بس قالت معلي بحاول اجيك السنه اللي بعده كلبت احول لها ٢٠٠٠ حولنا لها عأساس بتحجز وتجي الا ما عاد دقت واتصل ماترد
قامت خدامة اختي كلمتها الصدمه زوجها راح يشتغل قهرها تركها مع عيالها كيف ولماذا ومتى مدري قالت ردي طيب على مدام قامت قالت مقدر اقول للمدام عشان كذا مارد يعني صارت ماارد علي ماتبي تتكلم تقول ان زوجها رفض ووو
خدامة اختي قالت حرام مدام كويس وحولت لك ٢٠٠٠ ليه كذا وماتردين ذيك ماطولت وقفلت بوجههم
اللي ابي اوصله لكن مستحيل اصدق انها غدرت بي واخذت ٢٠٠٠ انا مسامحتها تفداها بس قلبي منقطع ابي ترجع ابي لو ذرة امل ابي تجي بس ليه ماعاد ردت خلتني وعيالي على حقات الشهر باقي الى اخر الشهر تجي
بنات تكفن ادعن تجي اذا في جيتها خير
انا بتكلم معكن بصراحه اقسم بجلال ربي انها امينه بشكل ماتتخيلن مستحيل اصدق فيها وربي بكيت لين شبعت واسني ادعن اقنعني لو بكلمه اجبرن خاطري تكفن بنات