التجمع106 للمقبلات على الحقن المجهري واطفال الانابيب

بنات الله يسعدكم متى احلل بول ؟
مافيني صبر اليوم الثامن بعد الترجيع . ينفع احلل بول .؟

أجنتك اجنة اليوم الثالث او الخامس اذا الخامس ممكن بس مع كذا ماانصحك في التحليل المنزلي بس اذا مره موقادره تصبرين سويه اليوم العاشر او احدعشر وبالتوفيق يارب تكوني حامل

اليوم الخامس . سبحان الله يعني يفرق ع حسب يوم الترجيع
الله يجزاك خير ... يارب اكتب للجميع الحمل السليم المعافى

بنات
محتارة اسوي حجامة و لا ما تفيد التبويض؟

حبيبتي تسلمين على دعواتك الحلوه
كلامك صحيح .. اناماارى ابد اي سبب يستدعي تأجيل ..والي تقول الحاله الماديه ماتسمح اناارى اشياء كثيره بالحياه نقدر نستغني عنها صدقوني يابنات بنوفر كثير لدرجة نقدر نعمل العمليه بشكل مستمر وماتوقف بحالتي زوجي الله يخليه لي يتكفل بالمصاريف وحده لاني غير موظفه وهو مقتنع ان هذا الامر واجبه وطبعا انا ساعدته كثير كيف ! من سنة الغيت العزايم والمجاملات وشراء الملابس الماركه والغير ماركه الي مالها لزمه بهالوقت اكتشفت ان عندي ملابس كثيره مالبستها حتى كرفتها ..انا اخذت من الشعب الامريكي خلال ثلاث سنوات بساطة اللبس وعدم المبالغة بالتزيين والماركات انا اتكلم عن الناس العاديه مش اصحاب اليوتيوب والفاشنستات
تغيرت فكرتي وصرت اهتم بنفسي لكن ببساطه وبدون تكلم واستنزاف للجيب
ومااهتم ابدا لرأي الناس بل على العكس اشعر بالشفقه على يضعون المظاهر فوق كل شيء حتى على حساب اخلاقهم..


المهم اكتشفت ان التوفير هو سر البركة بالمال .. كل وحده منكم يابنات تجلس بينها وبين نفسها وتمسك بورقه وقلم تكتب كل الاشياء الي ممكن تستغني عنها مثلا لبس العيد عندي طقم بالدولاب مالبسته الا مره اقدر اكمله باكسسوار او ايشارب ..اصناف الحلا الي كل مره تقدميها لطيوفك اكتفي بصحن فواكة وتمر مع قشطه
واذا احد سألك قولي عامله دايت او ذبحني السكر ومن عالكلام ..صدقيني مارح تخيسري بل على العكس تكسبي صحتك وتوفري


اعرف حريم الله يهدين يتشكن ان ازواجهن مايسفروهم ويحسدون غيرهم الي يسافرون كل عطله وهن بنفس الوقت مافي مطعم والا كوفي شوب مايرحوله وكل عصريه سفره طويله عريضه حلويات من اغلا الاصناف واي محل يعلم له بالسناب يروحو له فكيف رح تسافر بهالطريقه والفلوس تطير بهذه الطريقه ..


عموما يمكن انا طلعت كثير عن الموضوع لكن التوفير جدا مهم يابنات ..ودايم اقول باذن الله حتى لواكرمني ربي باطفال مارح اتحسف على التوفير الي عملته لان رح يرجع لهم ولمستقبلهم