مع مين تحبون تجلسون وتسولفون ؟!!!

صباح الخير
بنات بالعزايم والمناسبات بشكل عام انتم من تحبون تجلسون معه وقولو السبب وليه اخترتم تجلسون معها ووش العيوب والمميزات
1️⃣ _الشخصيه الاجتماعيه اللي تكلم من ماهب ودب وتبدا بالسوالف وفلاويه وتسولف كثير وتقدر تفتح مواضيع مع الناس كلها ومعتمدين الناس عليها ومستغلينها وكل شي يطلبونه منها وماتعرف تقول لا ، وتبالغ بكل شي لو عزمتيها ع فنجال قهوه شكرتك اكثر من مره وبشكل عام تشوف الاغلب يحبها

2️⃣ _ الشخصيه الثانيه الساكته اللي ماتدرين وش وراها هي تحبك هي تكرهك اذ كلمتيها كلمتك ماكلمتيها ماتكلم ابداً ولا تبدا باي سالفه وتشوف الكل يحترمها ويهابها
3️⃣ _الشخصيه الثالثه قليله الكلام مع شويه رزانه اللي ماتكلم اي احد ولاتسولف مع اي احد ولامطيحه الميانه مع الناس كلها ويحترمونها الاغلب
بصراحه انا صاحبه حدى هذي الشخصيات وودي تقولين وش العيب والميزه لكل وحده وانتي لو بتجلسين مع مين تختارين تجلسين
الله يسعد من ترد ويوفقها 🌺
نزلت الموضوع لان احب اتعلم من غيري وفيكم انتم المثقف والواعي والمختلط بجميع الشخصيات واللي يعرف يوجه فحبيت استفيد