💕💕التجمع ال٣٩لامهات وحوامل التوائم 💕💕

انا الفرق بين بناتي وصل ٤٠٠ بس الدكتور قالي عادي

وانتي سادحتهم على الارض نوميهم على الجنب علشان يحاولون او ابطحيهم على بطنهم علشان يرفعون رأسهم
انا مالقيت اكل حق عمر اربع شهور كله من سته وطالع اللهم لقيت نفس الرز مع حليب عاد مادري بستشير الدكتور يوم تطعميتهم
الفرق بين بناتي الله يسلمج 600 بس تدرين اللي وزنها اقل عافيتها بِسْم الله عليها زينه بس قصيره الثانيه اللي وزنها زين ضعيفه بس فيها طول بِسْم الله عليها


بنات انا أقوم من النوم اشوف وجيه بناتي مزرقه او أشوفهم مختنقين طبعاً مايكون فيهم شي بس مادري ليش يتخيل لي هالشي واذا شفتهم أقوم أمسكهم انفضهم واقلبهم يعني اسوي اكشن في الأخير استوعب انه يتهيأ لي صرت اخاف امصع بناتي

اي كلهم يقولون عادي بس انا ودي يكون فيه فرق بسيط..

للاسف انا ام حساسه لو احد قال حتى عن طيب نيه وحده نحيفه ووحده زينه صحتها ممكن انط عليه🤦🏻‍♀️

لازم اعقل شوي

اي مافي اكل حق عمر اربعه كله سته وطالع بس انا اخذت الضوءالاخضر من دكتورنا وحتى كل صديقاتي يوكلون اولادهم بعمر اربعه..بس قالي سيريلاك قمح فقط..و زبادي..شوي شوي ادخل الموز المهروس شوي شوي ادخل التفاح المهروس..وسمح لي بكل انواع العصيرات الشفافه..وبالذات التفاح..

اما بالنسبه لتهيآتك لها اسم علمي نسيت وشهو انه الافراط بالخوف..اتوقع من اللي شفتيه بحملك واول مانولدوا هلاك تخافين بزياده..اتعودي من ابليس وبشريش عالاميرات ماصدقنا يركدون شوي ياحرام تقومين تمصعينهم 🤦🏻‍♀️

ان شاءالله تحملين طبيعي بدون حقن لان بنت خالي حملت انابيب بعد١٢سنه وجابت توام بنات وبعدها بسنه حملت طبيعي وجابت ولد