موضوع الإنجاب استشاره اعتبروني اختكم
السلام عليكم ورحمه الله وبركاته اخواتي انت عضوه قديمه فالمنتدى وعلى كثره برامج السوشل ميديا ماارتاح وافضفض الا بالمنتدى بحكيكم عن وضعي عمري ٣٠ سنه وزوجي عمره ٤٠ سنه عندي ولد بكري عمره ١٠ سنوات وبعده ٣ بنات اكبرهم ٨ سنوات وبنت ٤ سنوات والصغيره عمرها سته شهور انا في عائله مافيها اولاد الا بعمر سنه وسنتين وولدي وحيد من طرف عائلتي وعائله زوجي وماعنده احد يلعب معاه او ينبسط معاه الا فالمدرسه وتحفيظ القران وقرأت كثير عن الاسباب بعد مشيئه الله لانجاب الولد من ضمنها ان زوجي اول شي يحلل واستخدم انا وزوجي فيتامينات وغسول واتبع نظام اكل معين واتابع ايام التبويض وزوجي ماعنده مانع على الموضوع ولكنه مايضغط علي بموضوع الحمل الحمدلله دخلنا متوسط وبناتي هاديات مره ولكني خايفه من فكره الحمل والولاده والتربيه واحيان افكر اكتفي باللي عندي الحمدلله خير وبركه واحسان اذا شفت وضع ولدي ماودي يكبر وحيد بدون اخوان وعمان وخوال ابغى له سند ولو ربي رزقني بولد ان شاء الله ماافكر بالخلفه من غير شر ولكني محتاره اترك المانع او استنى بنتي تكمل سنتين ثلاث يكون خلصت من امور الحميه وممكن زوجي سحتاج علاج شوروا علي لو كنتوا بمكاني انا شايله هم ولدي يكبر وحيد الله يحفظه لي ويبلغني بخواته يارب وجزاكم الله خير ..