تباشيـر(7) لـِ مـواليـد مآيو و َيونيــو 2018👼🏻🎊

الله يطمن قلبك وييسر لك الولادة السهلة
وتقومي بالسلامة انت وطفلك

ام ريان
اسال الله العظيم ان ييسر امرك ويهون عليك ويكتب لك الخير وين ماكان

الله يبشرك بما يسرك يا ام ريان ويكتب لك مافيه الخير
ويسر لك امرك

منوو
ولادتك طبيعي والا عمليه

الله يبارك فييييكم أفرحتوني بمباركتكم ودعواتكم الصادقه
وعقبالكم بالولاده اليسره الميسره وساعة الفرح والفرج
والله يصلح لكم النيه والذريه 🌹🌹🌹😘😘😘
يسعد صباحكم🤗
ادري انكم متحمسين لدخولي تنتظرون الأكشن
وانا احب التفاصيل الدقيقه 👌
واعرف ان فيه مجموعه مثلي هنا 😉تحب ادق التفاصيل
😇😇
المهمي عسولات من يوم الخميس الظهر تجييني الام مثل الدوره وتمسك بظهري 🤔
المهم طنشت وتجييني كل ساعتيين
او ثلاث وبديت اشم كسرة حلتيته لمدة ٥ ساعات حاطتها عند انفي
طفشت اولادي بريحته بس عجيبه احس بتخدير معها وانام
المهم الالم يروح ويجي ورحت اخذت دش حار على بطني وظهري
واختفى ساعتين ورجع وعلى وحده بالليل
رحت تسبحت ونظفت جسمي وصنفرته
واخذت تمر وظربته بالخلاط مع ماء وشربته
ونقعت زعفران بعلبة مويه صحه
وجاء زوجي وقلت يالله على المستشفى
ورفض قال لا لا 😩
مافيك الم قوي
قلت حركه البيبي وخفت
قلت بروح اكشف واعمل تخطيط
رفض وزين انه رفض
المهم نمت
ويروح الالم ويجي مثل الدوره
واصحى وانام واقول متى يشد واروح لهم
واولد واخلص
المهم صحينا على ١١
وراح للمسجد
وماشاءالله امطار
عندنا
واجواء بارده
ورجع وطلبته يقول م فيك الم م انتي برائحه
وهو صادق بس انا ابي كشف او تحريض المستوصفات الخاصه مقفله وقبل العصر نزلت علامة الولاده
واخذت دش حار وسخنت زيت زيتون بحبة البركه كم دقيقه على النار ودهنت ظهري وبطني وخلف ركبي
وفورت لي مويه هيل خليته ٥ دقائق وطفيت منه
وشربت قبله ملعقة عسل
وبعد شربت مشروب الهيل
كان عندي الم بسيط لايذكر
ورحت لمستشفى العسكري
دخلت الطوراي وفاضي
وارتحت المهم كشفت قالت خلاص ولاده ٤سم
وحرضت لي الدكتوره مغربيه الله يسعدها م اخف يدها
وخلصت اجراءت الدخول
ورحت لقسم الولاده فاضي م فيه ولادات
ودخلوني بغرفه واحصل وحده تتالم وتبكي
وتقول صلحوا لي عمليه ووترتني😰
المهم قلت ليش تطلبين عمليه وانتي قربتي
من الولاده الرحم عندها ٧سم
تقول عندها قيصريه اولى بعدين جابت طبيعي كم مره
والحين تقول ابي عمليه م اتحمل الالم
واعطوها ابر مسكنه
رفضت المشكله اقولها اخذي نفس رافضه بس تصايح
المهم تجمعوا الطاقم الطبي عليها
وقالوا وقعي عمليه
وراحت الله يهون عليها
وانا ركبوا التخطيط والمغذي
يقولون فيه طلق
بس انتي م فيه الم قلت بسيط
قلت فكوه ابي امشي رفضوا🙄
جلست ١٠ دقايق
قلت ابي اصلي😊🤔 يالله فكوه
المهم فكته
ورحت وضيت المصيبه م فيه ماء بقسم الولاده والتنويم كله 🤧😷
وزين جايبه معي مويه كثير
ورحت توضيت ولبست عباءتي
وصليت وجلست ادعي والمطر يرشرش
وبعدها مشيت قالت ارجع تخطيط
قلت م فيه الم ابي امشي 🙃
المهم طلعت امشي من الساعه ٧وربع
لحد الساعه ٨.٤٠ والالم يروح ويجي بس ماهو الطلق اللي اعرفه🤔
وبعدها جت الدكتوره السعوديه
وقالت ابي اكشف عليك قلت ي مرحبا والله
اكشفي اليوم سبيل لكم
وكشفت وقالت ماشاءالله ٦سم
م عندك الم قلت بسيط
قلت خلاص بروح امشي
قالت وين م فيه خلاص انتي ولاده
قلت انا اعرف متى م جت برجع على سريري واناديكم قالت لا
بعدين وش هذا اللي بعلبة الماء 🙄
تقصد منقوع الزعفران
بعد شوي نهاية العلبه اشرب منه
وقلت لها منقوع الزعفران
سالتني وش فائدته
قلت يخفف الالم ويفتح الرحم بسرعه😁 قالت حركات
قلت باذن الله يجيب فائده قالت هو جايب فائده ماشاءالله م حسيت بالم الطلق شفتي اللي قبلك
من العصر على ٥سم وصراخها زلزلت المستشفى
قلت بسم الله علي الله يحفظني 🙈
المهم جات دكتوره سوريه وقالت كم قالت٦ سم
خلاص بدنا نفتح كيس الماء حتى بسرعه تخلصيين
قلت اخذوا راحتكم
وفتحت الكيس ووسعت لي وكانت الساعه٩.١٧
ولبسوني التخطيط
وبدا الطلق الفعلي بس كل ١٠ لمدة نصف ساعهبس ٣ طلقات واخذ نفس وادف وارتاح معها
على العشر الدقايق الاخيره بدات تتقارب الطلقات واشرب مويه
وبعد موية الزعفران اشرب منها
المهم بدأ يزيد والنيرس توسع لي كل كم دقيقه
وركبت لي قصدره للبول تقول م ينزل البيبي تحت عشان فيه بول
والحمدلله جاء الفرج وبسرعه م طولت ايسر ولاده واسرعها هذا الولاده اللهم له الحمد اشكر ربي واحمده بدأ الطلق ٩.١٧
وفرجها ربي علي الساعه٩.٥٧
الحمدلله طول وقتي الهج بحمدلله
سبحان الله في دقائق تنسين الم الوحم والحمل والولاده
وبعدها حطوه على صدري نسيت كل شي😩
واخذوه يسبحونه
وانا الله المستعان جننتني الكحه وسببت لي نزيف
وصلحوا لي مرتين تنظيف وارجع انزف وخلوني عندهم ٤ ساعات بغرفة الولاده
وبعدها غسلوني بماء بارد والحمدلله وقف
وطلعونيً بالتنويم
ولازلت اعاني من غزارة الدم تغرق ملابسي وابدلها كل ساعه ابدل
طبعا انا اكتب لكم وانا بالمستشفى بعد ١٣ساعه من الولاده
لكن الارسال ضعيف عندنا م ادري متى توصلكم
من دخلت الشهر السابع وانا امشي ساعه احيانا ساعتين
وانا اقرأسورة مريم وختمت القرآن مره وحده ووصلت لنصف الختمه الثانيه اليوم لسورة مريم وجيت للمستشفى
واحافظ على الاذكار والاستغفار يوميا فوق ٤٠٠٠ الاف مره على خاتم الاستغفار
بنية التفريج
من دخلت التاسع بديت بموية زمزم وقريت عليها ايات وادعية الولاده واكلت اناناس شبه يومي
وبالاسبوع
٣٩ بديت بمريسة التمر ومنقوعة الزعفران والعسل
م قلته رياء والله لكن باذن الله انه يكون احد اسباب التفريج فأكثروا من الاستغفار تشوفون كيف الفرج
ام ريان 🌹
وام تركي 🌹
بما انكم بتولدون باذن الله بالعسكري
قسم الولاده رائع👍🏻
لكن المصيبه ان المويه مقطوعه من العصر اللي دخلته فيه
ولازالت لحتى الان
استخدمت الحمام بس مره وحده في حمام غرفة الولاده كان نظيف
وعليها
واغير وانا واقفه وامسح بالمناديل المبلله
والبس الفوطه وخلاص🤧😷
بس الحمدلله رجعت المويه على الساعه ٩.٣٠صباحا حسيت بالحياه ورحت للحمام واستخدمته وريحة مواد التنظيف تلعلع بالممرات
والنقطه الثانيه م فيه حليب للمواليد ولا بامبرز
ولا فوط نسائيه طبعا في التنويم الولاده يعطون
يعني اخذوا من تحت عبوا شنطكم او اشتروا
زوجي جاب لي بعد الفجر
وقسم الولاده بارد مره 😬 وزين اخذت معاي شال وشراب ثقيل وكنت لابسته
قالوا فكيه قلت لا 😤😡 اتركوه
طلبت لحاف ثاني بعد الولاده يقولون م فيه واغلب الحريم يطلبون يقولون م فيه
فأضطريت اغطي الشال علي فوق اللحاف
ولبست بنطلون ثقيل تحت قميصهم والحمدلله بديت ادفى
م تقدرين تتحكمين في التبريد عكس التنويم
طفينا على التكيف
بالنسبه للحوامل اجمع اول شي تحطينه بشنطتك المناديل المعطره
وكلينكس هذا بتخلصين واحد في كم ساعه
لأستخدامك انتي والمولود طول وقته يستفرغ يبي له مسح
والمعطره انتي تمسحين يدك فيها وتنظفين البيبي فيها بدل قومة الحمام
واخذوا حليب صناعي ورضاعه للمولود
م رضعته من صدري اليوم بأبدا بكره باذن الله
ابي ارتاح من مغص البطن
والحمدلله يجي بس خفيف يمكن لاني على المسكن وعلى شراب الكحه م حسيت فيه بقوه
اخذوا معاكم عصائر وكيكيات صغيره فطائر بعد الولاده رفضوا يعطون شي وتعرفون النفاس تكون ميته جوع
بس الحمدلله بنتي خالتي الله يسعدها ساكنه قريب من المستشفى ارسلت لي عشاء😋
واحتمال اطلع يوم الاحد
لازم البيبي يجلس ٢٤ بالمشفى وبعدين يكشفون عليه وعاد يكتبون خروجي
وهذا هو الاكشن تبعي وسلاماتكم
والحمدلله اولا واخرا
الحمدلله الذي بنعمته تتم الصالحات
الحمدلله عدد م ذكره الذاكرون وغفل عن ذكره الغافلون
كتبت قصة ولادتي بالمشفى م فيه ازعاج ولازوار
واكيد اذا رحت للبيت ب انشغل بالزوار
واستودعتكم الله
وباذن الله اطل عليكم واشاركم مثل م شاركتوني 😘😘😘
واي استفسار انا حاضره🤓
دعواتكم ربي يسترني ولا يجيني الم البطن وحمى النفاس 😩نسميه العقب