الي ساكنات مع أهل زوجها ومتذمرات تعالوا ابغاكم في كلمه راس

والله الموضوع جدا مفيد وحلو ...واسلوب الكاتبه ماشفت فيه اي استفزاز
الله يهديكم بس والله الصراحه انتم اللي اسلوبكم في الرد كان مستفز

مع اني ساكنه مع اهل زوجي واتمنى اني اطلع ببيت بروحي بس مستحيل لان زوجي وحيد أهله ..لكني نظرت للموضوع بمنظور اوسع واشمل ولقيت انه فعلا صحيح وكلام الكاتبه عين العقل

الله يعينا ان شاء الله ...... والله عادى اسكن عندهم بس على الاقل يكون مدخل منفصل عنهم ومحد يسمع صوتج وانتى تصارخين على العيال او مع زوجك والمشكله انهم يتصلون ويقولون اشفيكم واذا قلتى شنوا قالوا عادى تحملى احنا الحمد لله متحملين انتوا ليش تتتصلون وتدخلون والله عيب شى بين زوج وزوجته وبنتهم لازم يسكنها زوجها فى بيت يكون باسمها ولا يكون ريال مو زين ويتكلمون فيه الليل والنهار ولدهم يمسى بنت الناس ويصبحها كل يوم بسبه من السبات جنها قاعده فى حديقه حيوان عادى عدهم مافيها شى بس اهم شى بنتهم كل سنه لازم تسافر دوله ومعاها الخدم والحشم ومرة ولدهم( عمره الى مكه )حسره عليها ويسافرون العايله الكريمه كلهم معاها عشان ولدهم محرم ويوصونه لا تسوى شى لعيالك دير بالك لا تعب نفسك ترى السايق موجود اهم شى يرتاح ولدهم الله يعطيهم العافيه وآسفه على الاطاله ........................ الله ارحم سبحانه

انا رايي ان اهل الزوج معاهم حق ، لأن ولدهم يكون وحيد ولو ما كان وحيد من حقهم يطمنون على ولدهم ، انتو ما جربتوا شعور الام عند زواج ولدها ، تتخيل أنه جات وحده تشاركها بولدها ، وهنا تظهر علامات الغيره بين الام والزوجه ، والمشاكل التي تظهر جراء ذلك ، وفيه بعض الزوجات بصراحة قليلات أدب مع أم زوجها وأخواته وأهله بصفة عامة .
هذه مجرد وجهة نظر

الى تغار لا تزوج ولد ها وتعذب بنات الناس اكثر ما اشوف التنا قض اهل الزوج بنتهم تسافر تسكن لحالها تتسوق حقها ومره الولد يضيقون اذ سوت اى شى من حقوقه بالد نيا الحمد لله انا بديره ثانيه بس مقهوره من قصص بنات المنتدى والو اقع الى اشوفه البر ما هو بالسكن كم من ناس سا كنين لحالهم وابر با اهلهم من الى ساكن معهم

شفوي حبيتي الحياة ليست صراع وحروب و الوحده لما تسكن عند اهل الزوج و تقع بينهم المشاكل هذا بيكون نتيجة اختلاف الشخصيات و وجهات الظر و المشاكل بتصير سوء كنتي عايشه معاهم او بيعد عنهم اهم شئ انج تعرفين شخصية كل شخص تتعاملين معاه و مفتاح هذا الشخص و كبري عقلج و لاحظي يا عزيزتي ان المشاكل ما تصير الامع حمواتج ما فيه وحده تقول تهاوشت مع حماي ليش لان السبب هو غيرة الحريم و بعدين انا حريم خواني ساكنين معانا و علاقتنا فيهم سمن علي عسل و نعاملهم مثل ما نعامل خواتنا و احسن و فيه واحد من اخواني ساكن بره و احنا ويه حريم خواني نطلع مع بعض السوق و البحر و كل مكان حتي تخيلي وحده فينا تنعزم علي عرس و الا عزيمة تاخذنا كلنا وياها يعني تخيلي اجي من بيتي عشان احضر معاهم عزيمة او مناسبة و ساعات اجيب معاي حمواتي لدرجة الناس يقولون لنا انتم عمركم ما اتفرقون عسي الله لا يفرقنا و وحده تنصح الثانيه شنو تسوي و تخيلي نتفق فيما بينا علي الوان الملابس عشان ما يتكرر عندنا لون و عشان نصير مثل الفرشات الملونه لدرجة الكل مستغرب من هالعلاقة حتي اخواني يعني السكن ما له شغل المشكلة يا حبيتي بالقلوب و عقول الحريم لان القلوب هي اللي تقرب و تبعد مو السكن صفي النية و كبري عقلج و انت بتعيشين مرتاحة :42: