النوتروبيل ....والضمور

كم عمر ولدك وكم قالك الجرعة

تحسين انك استفدتي من الهند...يعني فيه تحسن والا لا

بالنسبه للقرع خذي الدغبوجه المدوره اللي هو اليقطين اللي يستخدمه الاجانب في الهلويين في صغاار مره خذي كم حبه وحطي عند راسه ٢

هلا ام حمد حبيبتي الله يعطيكي العافية ويقويكي ويفرح قلبك بشفاء حمد الشفاء التام عاجلا غير اجلا وولدي واولاد المسلمين جميعا يارب
ام حمد الدكتور قالي القرع فائدته في اكله مو في وجوده حول الولد بس انا قلت بجرب الي قلتيه سبحان الله اوقات تيجي على أهون سبب وان شاءالله يكون فيه فايدة كبيرة لأولادنا ونشوفهم بخير وعافية

اخواتي حبيباتي شراب النوتروبيل فعلا رووووعة بإذن الله لأولادكم بس المهم انه يوخذ عن طريق الطبيب والجرعة الي يحددها . في دكتور مخ واعصاب اطفال شفته في التلفزيون تكلم عنه ونصح كل ام واب عندهم طفل عنده ضمور في المخ او مايتكلم او مامشى انه يعطيه هالعلاج بس عن طريق دكتور لانه يحدد الجرعة المناسبة للطفل بناء على وزنه .
وظيفة هذا العلاج ضخ كمية كبيرة من الدم والاكسجين الى المخ ويحسن التروية في المخ ويقوي الاعصاب بإذن الله
وقال ان الابر من هذا العلاج تعطي نتيجة اسرع وخلال ثلاث اسابيع بإذن الله بيتحسن الطفل كثير وبالذات النطق والكلام والادراك . لكن هنا في السعودية غير متوفرة هذه الابر في الصيدليات ومااعرف اذا كانت موجودة في المستشفى الحكومي او لا . والي موجود في الصيدليات هو الشراب . صحيح ان الشراب يعالج بس يكون التحسن بطيء شوي مو مثل الابر . واعيد مرة ثانية اخواتي الغاليات ماينفع نعطيه لاولادنا قبل استشارة الطبيب المختص وبالذات لان اولادنا عندهم شحنات كهربية الله يشفيهم و يعافيهم ويحفظهم نخاف يكون فيه ضرر عليهم لاقدر الله