شاركونا طرقكم في فرزنه المعجنات والبيتزا ..

السلام عليكم🌺 ..
كيفكم حبيباتي؟
مع قرب شهر رمضان وقرب الفرزنه
شاركونا طرقكم بفرزنه المعجنات والبيتزا والكبه و و و ...
انا من الناس اللي تفرزن السمبوسه بس
كنت احشيها وارصها بصينيه واحطها بالفريزر وقبل القلي بنص ساعه او اكثر اخرجها عشان يذوب الثلج منها وماتكون بارده من جوا
ومع تعب الحمل رمضان دا باذن الله ناويه افرزن معجنات وبيتزا وكبه لكن ابغا طريقه مضمونه تطلع كأني دوبي مسويتها
هل احطها في الفريزر قبل الخبز او بعد او اخبزها من تحت واحطها بالفريزر ووقت مااخرجها ادخلها الفرن من فوق؟؟
او اخبزها خبز كامل ووقت مااخرجها اسخنها بالمايكرويف ؟؟
الله يسعد كل وحده ترد 💜💜

10 تعليق 1,231 مشاهدة

شاركي في النقاش

سجلي الدخول لإضافة تعليق.

التعليقات

10
  1. @aaoatf_trky

    ولا مره جربنا فرزنة المعجنات بس قرأت تجارب ناس في فرزنة المعجنات

    تقول انها تحشيها سواء فطاير او بيتزا وتطبخها بالفرن بس النار من تحت ويادوب ينضج او ينخبز العجين وتقفل النار بدون تحمير من فوق وتترك المعجنات الى ان تبرد تماما ثم تحطها في اكياس او صحون تنفع للفريزر وتغلفها وتفرغ منها الهواء وتحطها بالفريزر واذا جات تستخدمها تطلعها قبل بساعه ثم تدخلها الفرن تشقر وتتحمر من فوق .
    جربيها بس لا تجازفين بكميات كبيره حرام يخرب او مايضبط وترمينه

    وترى صلصات البيتزا عادي تسوينها بالطماطم والمعجون والبهارات والاعشاب وتحفظينها بالثلاجه ببرطمان بس صبي على الوجه زيت عشان مايدخلها هوا وتعفن

    والسوبر ماركت فيه انواع العجين المجمد خذي منه اللي يناسبك سواء رقائق او عجين مفرود او بف باستري وكل يوم استخدمي منه وحطي الحشوه اللي تناسبك بدال ماتعجنين وتنتظرين التخمير والفرد والتشكيل وغيره يوفر عليك الوقت والتعب



    اما كبة البرغل واقراص كفتة اللحم والدجاج سويها بالتوابل والكزبره والبقدونس والثوم والملح يعني سويها بطريقتك وشكليها اقراص او حسب الشكل اللي تبين وحطيها بصحن كبير ودخليها الفريزر وهي نيه الى ان تجمد ثم طلعيها وفرزنيها في علب او صحون او اكياس وغلفيها ببلاستيك وفرغي منها الهواء ودخليها الفريزر واذا جيتي تستخدمينها طلعيها قبل بساعه واقليها بالزيت او بالفرن .


    وعشان ماتتعبين مثلاً لو في يوم بتسوين صينية خضار ومعها حشوة لحم او دجاج مقطع ضاعفي الكميه واستخدمي حسب حاجتك والباقي احفظيه بالفريزر تستخدمينه في طبخات ثانيه للايام اللي بعدها .

تابعي تجارب أخرى من هذا القسم.