تجمع رابطات الحوامل (٣٨)

السلام عليكم
كيف حالكم اخواتي ان شاء الله بخير
انا متابعه لكم ولاخباركم من زمان لكن بصمت
عسى الله يتمم عليكم بخير ويهون علينا جميعا
والحين جا الجد انا الحين كملت الاسبوع ال١٤ وعمليتي باذن الله بعد بكرا السبت الصباح على خير
وهذي ثاني عملية ربط لي الحمدلله الاولى تم حملي على خير وهذي الثانيه الله يسهل
عاد الصراحه اني ناااسيه الوضع بعد العمليه مره
وش اسوي اصير طول وقتي منسدحه ولا عادي لو اجلس شوي ؟
والصلاة كيف تصلون عادي ولا على كرسي ؟
طيب اقدر اجلس على الارض ولا بعد لازم كرسي او كنب عشان ودي اجلس مع اهلي ع السفره ماودي اكل لحالي على سريري خاصه ان رمضان جاي ودي اشاركهم السفره بس مدري كيف اجلس !
كل وحده تقول لي وش سوت وكم استمرت على الوضع هذا متوتره وخايفه لكن الله ييسر ويهون على خير

بنات انا اخذت سايكلوجست من مستشفى حكومي مافي بالصيدليات
وطبعا سبب توفرها انه مايصرفونها للمرضى فتتكدس اذا تعرفين احد باي مستشفى يجيبها من التمويل الطبي

اول ثلاث ايام لازم راحة
البنات هنا اغلبهم يجلسون على الارض
لكن دكتورتي حذرتني
فانتي اسئلي دكتورتك وهي تفيدك
اما الصلاة اصلي واقفه والسجود على كرسي
وصراحة اروح لاخواتي بس اجلس على كنب اريح لكن ماحضر جمعات لان ماتحمل الجلوس الطويل لازم اتمدد

عاد انتي وطبيعت جسمك

انا يجيني الم بطهري ولمااخذ التحاميل مرة تريح كيف مالها فايدة
بعض الدكاترة يفتون مو عندهم
دكتوري الي برى منطقتي قال المفروض موقفه كل المثبتات بعد الربط
اما دكتوري هنا رفض ولحمدلله الي سمعت كلامة لانه ينزل علي افراز دم بين فترة وفترة غير الالم الظهر


الله يتمملنا على خير

الله ييسر لك يارب ❤ والحمد لله العملية بسيطة
بجاوبك عن نفسي ووصايا دكتوري ودكتورتي
بعد العملية بيوم جاني الدكتور الصباح يتطمن علي قبل أطلع وشافني شبه راقدة
على طول قال ليش أنت كذا؟؟! أحرجني بسؤاله صراحة هههههه 😁
يبي يوصل لي فكرة إنه عادي عيشي حياتك واجلسي عااادي
سألته عن طلوع الدرج قال عادي والجلسة على الأرض عادي كمان
كانوا يقولون عمليتك ربط بس يعني بسيطة وما يأثر عليها الجلوس وغيره
طبعا احتمال كبير ينزل عليك شوي دم بعد العملية ويستمر يومين تقريبا أو أكثر شوي ويخف حتى يختفي ..
بخصوص الصلاة
حاولت بعد العملية أصلي على الارض لكن كنت أتألم مكان العملية وأحس بشد فصليت على كرسي لمدة أسبوعين وبعدها اختفى الألم صليت على الأرض والحمد لله لحد الآن أصلي عادي وأسجد على الأرض ..
الحين أنا أجلس على الأرض عادي لكن الغالب كرسي لأن بيتي كنب وما يحتاج أجلس على الأرض لكن عند أهلي مثلا جلسة أرضية عادي اجلس معهم لكن لو حسيت بألم أو شد اريح نفسي واجلس على كرسي ..
اللي تكونين حذرة منه الإجهاد الزايد وحمل الأشياء الثقيلة والالتهابات .. ضروروي جدا جدا شرب المااااااء والسوائل
صح أنا عايشة حياتي عادي لكن مخففة شغل البيت وموقفة الرياضة لبعد الولادة بإذن الله .. مع إني نفسي أمشي وأتحرك عشان أسيطر على وزني وأحسن لياقتي أحس بعد الولادة بأنصدم من نفسي 😆 عضلاتي نايمة ومن زمان ما شلت شي ثقيل اخاف جسمي بعدين ينصدم من أي شيء أشيله😅
هذي تجربتي بشكل سريع والله يتمم لي واياكم❤❤

والأولى تتبعين نصيحة دكتورتك لو أوصتك بالراحة وعدم الجلوس على الأرض لأن ممكن حالة كل حامل تختلف عن غيرها وهي أعلم بحالتك بعض الحوامل ما يكتفون بالربط وترتاح راحة تامة حتى تولد ..

الله ييسر لك يا رب 💓