السلام عليكم ورحمة الله وبركاته :
انا مطلقه وعندي بنت وعمري مو صغير ٣٦ خطبني شخص كان قبل مدمن من كان صغير > تعالج والحمد الله ع قولت اهله عنده عزيمه وترك الطريق هذا ، المشكله خطيبي ضعيف شخصيه جدا واهلي شافوه وقت الخطوبه قالو كأنه مو طبيعي ، وقابلوه اخواني قالو نحسه من تصرفاته جدا جدا ضعيف شخصيه ، قعدت محتارة وامه واخواته يمدحونه مره واخته من اعز صحباتي كل مااتناقش معها بالموضوع تقلبها هوشه ماتبغى تفهم مني ابد تبغى اوافق وبس مع انها تعرف كل ظروفي وتعرفي شخصيتي ونفسيتي ، المهم قلت لازم اكلمه واعرف بنفسي طبعه كلمته واحسه يطلع من سالفه ويدخل بسالفه وكلامه مو مرتب 😪 نفرت منه وقت المكالمه بس قلت بكمل وقال انا ماعرف اتصرف (وقال اهلي يقولون لي انت تضحك وتكلم نفسك يقول انا ماحس بنفس ، ويقول احس صوت داخل راسي يتكلم ، وكلامه مو مرتب وشوي احسه طبيعي وعادي وشوي يدخل الكلام ببعض ☹️ وذاكرته قويه يقول اتذكر واتذكر ، الزبده قفلت منه وقلبي يعورني ع فكره هو ماتزوج قبل واصغر مني ، واهله يبغوني و بقوة حسيتهم بيزوجونه باي طريقه ويبغوني اوافق ، تعبت احد يعطيني فكره بذي الشخصيه عمري كبير ومطلقه وبنفس الوقت ماني مرتاحه ، اهلي تاركين لي حرية القرار
شاركي في النقاش
سجلي الدخول لإضافة تعليق.
التعليقات
70- ااستخيري اهله لأن عارفين مابترضى فيه اي وحده فقالو انتي مطلقه ..وكبيره بترضى فيه بالراحه نرميه عليه تربيه توافقوا او لا مو مهم اهم شي يرتاحون منه ومن مسوليته وكان بنات الناس لعبه انتي مطلقه من قبل.... لاترجعين تكرررين الشغله مره ثانيه انتبهي قبل لاتوفقين واستخيري كثير في الصلاه إذا فيه خيرا ربي يسر الزواج ...إذا شر يصرفه .....الله يكتب لك الخير ....
- نصيحة لاتوافقين
مو لانك مطلقة وعمرك 36 تقبلين
والله اعرف حريم بالاربعينات وكانوا مطلقات وتزوجوا رجال كويسين
العمر ماله دخل
لكن الاختيار هو الاساس
ممكن مسكين المخدرات أثرت ع عقله
ومستحيل يرجع طبيعي
الله يعافيه - لا والف لا نصيحه وشلون بتجيين منه عيال وكيف وظيفته الحياه صعبه لازم تاخذين واحد اتكانه واخته مو نافعتك قولي مارتحت ماابيه -وعليك بالاستغفار وسوره البقره نصيحه والله كريم يرزقك خير منه
- والله معاناة واكبر معاناة لما تعاشرين شخص شخصيتو ضعيفة ما بمون على شي ابدا
انا ما انصحك لانو اللي شخصيتو ضعيفة رح تتعبي معاه
وبعدين لما تعيشين معاه انتي اللي رح تصيرين تقولين ابي اطلق انتبهي
وربنا يسعدك ويرزقك الرجل الصالح - يعني عيوبه واضحة ليك
واخوانك حذروك وقالولك ان الرجال مو طبيعي
ولساتك مترددة وحايرة
ايش تبغي تتزوجيه عشان تتأكدي ان الرجال مايصلح
والا بعدين تفيقي على واقعك وتقولي اهله غشوني
اهله بيطلعوه السما ماحد يسب في خلفته
والعمر ووضعك مايخليك ترضي بحياللا احد
عشان تتزوجي حتى لو كان اماينفع ولا بهلهلة
مواضيع مشابهة
تابعي تجارب أخرى من هذا القسم.