ساعدونني الله يخليكم.. خطيبي تركني [ مُعدل ]

ادري غلطه بس كنت صغيرة ومن زمان وهوا كلله اسراره عندي مو بس انا

الله يصلحك ويهدي بالك❤

والله هوا الي كان يركض ورايا
ومن يوم ماصار يكلمني كنت ف البدايه اشوف ليش بس بعدين تركته
وماصرت اكلمه الا لمن يكلمني
لمن اخر شي
قال لامه ماابغاها
دوبه ماما كلمته بشوف ايش يصير واقلكم

صدقيني خيـره لك
صديقتي تعرضت لتحرش وبداية زواجها غلطت


وحكت لزوجها كل شي ندمانه قد شعر راسها مرا ع


زواجها خمس سنوات ولا زال الموضوع عقبه بينهم


احتاجت تروح دكتور نفسي هي وزوجها


انصحك مثل اختي اذا قالو مافي نصيب اعرفي ان الامر


خيره لك والله يرزقك باللي احسن منه


ومكالمتك له وهو ماصار زوجك حرام


والتحرش صفحه اطويها وانتهت انسيها ولاتذكرينها لا لزوج ولاغيره




الله يقدم لك اللي فيه الخير

بقلكم ايش صار ماما كلمته وطلبت منه يفهمها ليش مايبغا قالها هي ماتسمع كلامي لمن اقلها لا تروحي عند
عمك انا غلطت غلطه كنت اقله اني اروح لعمي وكان ينقهر وقالها انا اعطيتها كم فرصه وبرضو مااتغيرت واحلفلك بالقران اني دخلت وحده ثانيه في حياتي لاني ماشفت من بنتك تغييير وقال انو اذا هي كدا بعد الزواج برضو حتكون كدا ماحتسمع الكلام وهوا اصلاا اوامره مره كثيره ونا اسمع كلامه واي وحده مكاني وربي تشرد بس انا عشان احبه
ونا كلمته وفي ماما معانا قلتله اني ماني عارفه اصلا انو دا الشي بيقهرك وماادري عن السالفه
مو كنت اقلكم خطيبي اتغير عليا مدري ليش ماكنت ادري انو عشان دا الشي
وقلتله لمن اكون في بيتك وقتها تعرف انا اسمع كلامك ولالا
وقلتله اذا انته مااتحمللتتني دحين كيف حتتحملني بكره


الحب مو كذا ابداا
ع شي صغير نفترق ونهدم كل السنين
وقلتله ع باالك دي الوحده الي اخدتها ودخلتها ف قلبك
ماحتسوي شي وحتتحمل منها كل ششي
مافي علاقه بدون مشاككل
وزي ما صار معايا حييصصر معاها وحتتذكر كلامي وقلتله بالتوفيق ولا عاد ترجعلي ثاني لانه دي اخر فرصه

ماادري انها خيره لييا
وداييما ازعل ع نفسي ليش مانتزوج وليش موضوعي يتاخر
كويس اني عرفت قببلل لا اتزوج
ادعوللي الله يخليكم
لانو اصلا دحين ماني طايقه ولا رجال
ودحين ماما جايه تقلي ايش حنقول لابوكي
حيعصبب لانو انا مره عانيت من دا الموضوع وصارت مشاكل
وبابا عصصبي
ويمكن يقتلله لو عرف انو يحب غيري


قولولي كيف نققله وكيف نقول للناس
لانه كل الناس عارفين انو نحنا مخطوبين