شاركي في النقاش

سجلي الدخول لإضافة تعليق.

التعليقات

17
  1. @aal_nyaty_5

    بنات آخر زمن الله المستعان !!
    تدققين ورا أمك وتحاسبينها
    تدافع عنك وتناظرك رغم مسؤولياتها
    تبغيها وش تسوي يعني
    لا تصيرين انانيه همك نفسك
    هي وراها بيت زوج وأولاد غيرك
    لا يكون قلبك قاسي عليها ارررررحممممميييييها الله يرحمك
  2. اخوانك مقرفين بشكل مقزز الله يعينك عليهم وانصحك انك تقاطعيهم لكن خلي علاقتك ممتازه مع اخوك الصغير وحاولي تصاحبيه وتكسبيه بصفك عشان لاصارت مشكلة مع اخوانك او امك يوقف معاك ويدافع عنك ... مع اني ما اظن انه حيكون سند لكِ لانه اخر العنقود واعتقد انه مو قد المسوؤلية وماتعود عليها لكن حاولي معاه انتي
    المهم موضوع امك حاولي تصلحين بين ابوك وامك وهذا راح يخفف عنها الضغط وماراح توقفلك على الحبه، يعني زيني صورتك امك قدام ابوك وامدحي فيها لكن طبعا مو طول الوقت تمدحينها قدام ابوك وهيا معاكم يعني مره تكون موجوده ومره لا وكمان نفس الشيء مع الوالد وعادي اكذبي عليهم بشيء بسيط عشان تتعدل صورتهم قدام بعض...
    حاول تراعي امك وتسايريها بأي موضوع اهم شيء مايكون يضرك او ماله علاقه فيكي او مايضر احد يعني حاولي تكسبيها ودايم امدحيها واتغزلي فيها وقوليلها شقد تحبيها ومن هذا الكلام
    وبعدين اعراض الكبر هذا شيء طبيعي لاتحسسي امك انها كبيره ومريضه وتعبانه حتى لو هيا فعلا تعبانه قوليلها كلام حلو حاولي ترفعي معنوياتها صدقيني لو امك تتقبل منك هذي الامور وجربتيها معاها ونفعت وصارت احسن والله انها نعمة كبيرة انك تقدري تسعدي امك بطريقة بسيطة يعني قوليلها احبك واحب التجاعيد اللي عنك تذكرني شقد تعبتي في تربيتي وتعليمي وانك ماراح تقدري ترديلها جميلها ابدا ومن هذا الكلام ...
    بخصوص المنتجات اهم شيء الغذاء الصحي ثم الغذاء الصحي ثم الغذاء الصحي حاولي تعمليلها وجبات خفيفه خالية من القلي والسكريات المشبعه والمواد الضاره
    يعني جهزيلها خضار سوتيه واستخدمي الخضار اللي تحبها بزيت الزيتون وحطيها لها بحافظه بالثلاجة ولما تلاقيها حتفرح فيها ...
    اتمنى اكون ساعدتك وهذي الاشياء اللي جات على بالي ادري اني شطحت بعيد 😅 لكن اتمنى تفهمي عليا وتنفع معاكي هذي الامور وبالتوفيق.
  3. اللي تقول ان لسانك طويل عشان كذا اخوانك مدوا يدهم عليكي الله يرزقك بأمثالهم في حياتك


    اخوانك معلش على الكلمة سرابيت والله لو كان يحبك ويخاف عليك مايرضى احد يمس شعره منك والاثنين يضربوكِ وين المروءة والشهامه مالت عليهم لا ويبي يدخل عليك رجال غريب!! قلة حيا وادب
    كان الله في عونك يا قمر ماعليكي بنسقط الولايه وماراح نكون تحت رحمة الذكور الرخوم، ان شاء الله.
  4. @aaoatf_trky

    في اكثر من رد اتفق معهم ماقصرو الله يجزاهم خير

    ياعزيزتي لازم تعرفين انك لستي محور الكون ومركزه واساسه اذا زعلتي لازم الكل يزعل معك واذا رضيتي لازم الكل يكون راضي هذا مو منطق .

    من ناحية اخوانك ما اختلف معك انهم مجرد ذكور ليسو رجال لكن بنفس الوقت لا انتي ولا امك تقدرون تغيرون سلوكهم السيء بعد كل هذا العمر للاسف لانهم تربو وكبرو على هذا النمط ان يدهم تنمد ومحد يحاسبهم فلا تحطين اللوم على امك وتطالبينها بأمور فوق طاقتها وقدرتها .
    وبخصوص علاقتك مع امك انا اعتقد ان امك ذايقه المر وساكته وتعاني من الاهمال وقلة التقدير من ابوك والدليل انها استنكرت عليه بعض التصرفات اللي هي محرومه منها ولا تحسبين كلامها غيره منك بل هي حرقه ونار في قلبها من سوء المعامله والاهمال وقلة التقدير لها .
    واذا تبين ترتاحين احسني لأمك وبري فيها بالافعال والاقوال واكثري من الكلمات الطيبه والمديح لها والاهتمام فيها وتفقد حاجاتها ومساعدتها بدون لا تطلب توددي لها وتقربي منها وادعي لها بالصحه والعافيه وخليها تسمعك وانتي تدعين وتمدحين فيها عند ابوك .
    تذكري انك انتي البنت وهي الأم وبرها واجب ، والصبر على لحظات غضبها وخفض الصوت معها واحترامها من البر اللي اوصى فيه رب العالمين ، وفي القران نهى عن قول ( أف ) وانتي للاسف قلتي اللي اكثر من الاوف الله يهديك ويصلح قلبك وبالك .

    احياناً الانسان مايشوف اخطائه وتقصيره وذنوبه بس يشوف زلات غيره

    امك على كثر معاناتها الا انها تحاول تكون كويسه معكم كلكم وانتي بنفسك اعترفتي انها بعد ماعصبت جات تضحك معك ومافي احلى منها تأكدي وثقي تماماً انها شايله همك وتضغط على نفسها عشان تسعدك لكن انتي للاسف ماحسيتي فيها .

    لا تكونين أنانيه مايوجعك إلا جرحك ولا يضايقك إلا حزنك

    أمك ثم أمك ثم أمك ثم أباك وكلهم برهم واجب

تابعي تجارب أخرى من هذا القسم.