ساعدوني مهمومه مرره.. خطبني شخص شخصيته ضعيفة وعيوب أخرى [مُعدل]

ياقلبي انتي تسردين قصتك وانتي جاوبتي ع نفسك عارفه مدمن ويلخبط وعقله يروح ويجي ومع ذلك تسالين وش رايكم اصرار اهله دافع قوي انك ماتوافقين والله يكتب لك الخير 🌷

الله يكتب لك الخير

الله يشفيه يارب واضح انه مسكين ويعاني ومو قادر يشيل مسوؤلية نفسه فلاتتوقعي منه شيء ابدا قوليلهم صغير وانا كبيره ومايناسبني ابي واحد قريب من عمري ويقدر يفهمني ياخي صرفيهم بأي عذر اللي عندها عقل مستحيل تحط نفسها بهذا الموقف حتى لو كانت مطلقة وبدون اطفال فما بالك بوضعك انتي وانتي عندك بنت اذا منتي خايفه على نفسك وبايعتها خافي ربك بالطفله اللي بذمتك بدخلين عليها انسان مريض ويعاني ماتدرين وش ممكن يعمل فيها بغيابك ؟!! انا ما اتهمه لكن هو مو طبيعي وممكن فعلا يعمل حاجات تأذيها وتتعقد البنت وتتعب ف لاتحطي نفسك وبنت الضعيفه اللي لاحول لها ولا قوة في هذا الموقف واتقي الله فيها
الحريم المطلقات اللي عندهم اطفال لاخطبهم رجال كفو تفكر وتستخير وتسأل الف مره عشان ماتبي تظلم اطفالها معاها وانتي واضح كل شيء قدامك ولسه تفكري وتسألينا هنا ؟!!! بجد امرك عجيب
صدقيني تراه مو اخر حبه في الكون الدنيا مليانه رجال ونصيبه ورزقك بيجيك فلا تبلي نفسك وتبلي المسكين وبنتك معاه خليه عند اهله ابرك له ولك
وبالنسبه لصحبتك كويس عرفتيها على حقيقتها او لانها تشوفه اخوها فتبغاله الخير وانه يتزوج امرأه قوية تصلح حاله وكذا انا لو مكانك ماراح ازعل منها لكن حبتعد عنها شوي لانها ماتريدلي الخير وتفضل اخوها على وهذا شيء خاص فيها وراجعلها ومن حقها عشان كذا انا حبتعد عنها لاني انا اعرف مصلحتي وانا مسوؤلة عن نفسي ومسوؤلة عن قراراتي وانا حتحملها وماراح اجامل على حسابي وحساب بنتي ربي ما اعطانا حرية اختيار قراراتنا عبث
احمدي ربك ان اهلك ماجبروك عليه وسلام ياجاري انت في حالك وانا في حالي.
اهربي
اهربي
اهربي

ردك جدا جدا جميل 🌹 تعرفي ضغوطات الناس الي حولك > ووثقة بكلام اخته لاني قعدت مخطوبه له ٤ شهور وكنت عايشه صراع قوي مع نفسي استبعدت ان اخته صحبتي واكثر من صاحبه تغدر في 😌 تعتبر عشيرتي تحلف يمين بالله انو طبيعي مافيه ولاشي > من مكالمه وحده ووضح لي وضعه ومت قهر من كلام اخته لكن كل ذا بفضل الله وحده وبفضل الاستغفار وصلاة الاستخارة خلاها يقول كل شي > الله يشفيه