السلام عليكم
كيفكم ي حلوات
ي بنات بسألكم تحسون بالاحساس هذا اللي كانكم عدة اشخاص بشخص واحد يعني متقلبين مره تحبوا هالشي ومره تكرهوه ورأيكم كل مره يختلف عن شي واحد مو وجهنه لكن قناعاتكم تتبدل من فتره لفتره انا مزاااااجيه رقم واحد ومتجمع بصدري حكي لييييين بكره لوقلته ماراح احد يعرف يفهمني اويوصل لحل معي مارح احد يختم كلامه معاي الا باني اكذب عليه او مجنونه بسبب كثرة التناقض بالامر الواحد البسيط والله تعبت من نفسي هالشي بدأ ونا بالمتوسط بشكل خفييييف مره لايكاد يذكر لكن مع دخولي للجامعه ازدادت الحاله بشكل يحير اوقات احس اني موفاهمه نفسي موعارفه من انا وايش ابغى ولاتقولوا مس ولاسحر ولاعين لانها انولدت معي من صدمه نفسيه قووويه والحمد لله اموري الدينيه تمام وصلواتي والقران ارتاح عليه المهم
تعبت تعب شديد من هالصدمه ومن بعدها بدأ الوسواس القهري خاصه بالنظافه حتى اللي بالمنتدى ويعرفوني قبل كنت غير اميل للتنكيت والدعابه اكثر من الجد واللحين رحت عند دكتوره نفسيه بخصوص هالشئ يعني انا طبيعيه الحمد لله ونومي وكلامي طبيعي لكن داخلي واحاسيسي
تنااااقض عجيييب والف رأي ورأي لي في الشي الواحد المهم ماتناقشت معي كثير يادوب كم كلمه ودايركت حبوب انا محتاجه افضفض لانسان مايكون بيني وبينه لقاءات او وجود بحياتي انا مو مريضه نفسياً اعاني من كلامممم في صدري كثير حتى لو مالقيت فايده ودي افضفض واتكلم لو الكلام يناقض بعضه بعض وين القى لي احد يفهمني ويسمعني للآخر بدون انتقاص مني ومن ذاتي او تحقير لها ؟؟؟
والله اصحى وانام وانا اقول يارب ردني اليك ياارحم الراحمين ففي صدري كلام اكثررر بكثير من انه احد يسمع له بصدر رحب وبلا تملل .. والحمد لله الحمد لله الحمد لله حالي افضل من غيري بكثير بس الكلام يوجع اذاتجمع في الصدر واذامالقيت احد يفهك
فضفضه وهذا غيض من فيض والحمد لله على حالي هذا ❤️
شاركي في النقاش
سجلي الدخول لإضافة تعليق.
التعليقات
9
مافيك الا العافيه
مشكلتك فقط هي كثرة التفكير اللي تجرك إلى الميل للتضخيم والمبالغه وفي الحقيقه الموضوع اللي تفكرين فيه بقوه لا يستحق انك تركزين عليه وتكبرينه من الاساس .. هذا هي حالتك بإختصار .
والدليل انك تشتكين من وسواس ومعروف ان الوسواس عباره عن تكرار افكار داخل النفس وعلاجه الامتناع عن التفكير او الاسترسال بمخاطبة النفس في الفكره بالسلب او الايجاب فقط المطلوب قطع الفكره حالاً فوراً وتجاهلها تجاهل تام والانتقال الى فكره سعيده او ترديد الاذكار وسور القران القصيره بصوت مسموع او الاستمتاع بالقراءه او ممارسة اي نشاط اخر .
لا تحطين نفسك في خانة انك مريضه وفيك بلاوي لانك كذا تقنعين عقلك الباطن وتجبرينه يصدقك ويستجيب لك ويعطيك مشاعر واحاسيس المرض النفسي وانك مكسوره ومسكينه .. عشان كذا فقط وقفي التفكير السلبي اللي ترسلينه لعقلك .
واذا على حاجتك للفضفضه ابشرك محد في الدنيا يستاهل انك تعطينه اسرارك او تتكلمين عنده عن احوالك ومشاعرك لانك بعد ماتصحين من غفلتك وتتغير اهتمامتك وتعيشين حياتك صح راح يستخدمون كل شي سلبي اعترفتي فيه ضدك ومن ورا ظهرك .. اشتكي لربك في سجده بأخر الليل او اكتبي مشاعرك بقلم على الورق .
اصحي من الغفله واخرجي نفسك من دائرة الدراما والمظلوميه لانك قويه وربي اكرمك بصحه جيده ماشاء الله اشكريه واحمديه عليها بإنك تستخدمينها فيما يرضي الله مارسي هواياتك وتطوعي لاعمال الخير وساعدي الناس وساهمي في تفريج كرباتهم وتصدقي واستغفري بري والدينك صلي رحمك اشغلي نفسك بالخير قبل تشغلك نفسك بالشر .
اسأل الله ان يشرح صدرك وييسر امرك وان يصلح قلبك وحالك وان يسخر لك ملائكة السماوات وجنود الارض وان يسخر لك خيرة خلقه .
حبيبتي حاولي تتخلصين من الكتمان فضفضي و خلي صديقتك الخاصة الكتابة
انا شخصيا ارتاح فيها
اي شي يحصل او موقف معين محتاجة افضفضه اتجه للكتابة والصراحة ارتاح نسبيا
لكن الخطأ هو الكتمان لانه يولد انفجار لاحقا
وهذا كلام الاطباء النفسانيين
فعندك حلين الان الكتابة او تفضفضين لله عزوجل قولي وتكلمي بصوت مسموع كانك تخاطبين شخص
بتجدين رااحة والله يفهمك بدون حواجز سبحانه
ذكرت بيتين احب اتذكرهم دايم:
نظمت الف قصيدة في فهمهم
والله يفهمني بغير لغات ♥️- فضفضي في ورقة او افتحي مدونة واكتبي كل اللي في خاطرك يمكن ترتاحين وتفهمين نفسك مع الايام
- حبيبتي انا ماشوف ان فيك شي كلامك ماشالله موزون وجميل
ولاكن انتي داخلينا تحسي هالاحساس هاذا فلازم تتخلصي من الداخل انك مميزه والافكار هاذي مجرد تفكير انها تتكرر وهي فلواقع ماتتكرر ولاكن نفسيا تتقبلينها متكرر اقنعي عقلك الباطن انه مافي شي مكرر بالنفس فقط كل. شي واحد ينتهي هالشي هاذا - الله يفرج همك ويعافيك
مواضيع مشابهة
تابعي تجارب أخرى من هذا القسم.